कदमवाकवस्तीमध्ये बेकायदा मांस विक्री

उरुळी कांचन, ता. ८: बेकायदेशीरपणे मांस विक्री करण्याचा प्रकार कदमवाकवस्ती (ता. हवेली) ग्रामपंचायत हद्दीतील लोणी ठाणे परिसरात गोराक्षकांनी शुक्रवारी (ता. ८) पहाटे साडेबारा वाजण्याच्या सुमारास उघडकीस आणला आहे. तर याप्रकरणी प्रकाश बाळकृष्ण खोले (वय २९, कदमवाकवस्ती, लोणी काळभोर ता. हवेली जि पुणे) यांनी लोणी काळभोर पोलिस ठाण्यात फिर्याद दिली आहे.
अविनाश राजेंद्र सोनकांबळे (वय ३८, भोसले वस्ती, लोणी काळभोर, ता हवेली), शरीफ युसुफ कुरेशी (वय ४२ राजधानी बेकरीचे पाठीमागे लोणी ठाणे, कदमवाकवस्ती, पुणे) व शेरू पठाण (रा पठारे वस्ती कदमवाकवस्ती, लोणी स्टेशन) अशी अटक करण्यात आलेल्या आरोपींची नावे आहेत. पोलिसांनी तीन जणांना अटक करून ८० हजार रुपयांचा मुद्देमाल जप्त केला आहे.