लोणीत सराईताकडून पिस्तुलासह दहा जिवंत काडतुसे जप्त
उरुळी कांचन, ता. २९ : लोणी काळभोर पोलिसांनी दुचाकी चोरीचा गुन्हा उघडकीस आणत एका सराईत चोरट्याला अटक केली. त्याच्याकडून दुचाकी, पिस्तूल आणि दहा जिवंत काडतुसे असा एकूण ६२ हजार रुपयांचा मुद्देमाल जप्त केला आहे.
पोलिसांनी केलेल्या कारवाईत अरुण बाबूराव देशमुख (वय ६७, रा. श्रीनिवास सोसायटी, खंडोबा मंदिराजवळ, सुखसागरनगर) याला ताब्यात घेतले. त्याच्याकडून चोरीस गेलेली दुचाकी जप्त करण्यात आली. पोलिसांनी दिलेल्या माहितीनुसार, लोणी काळभोर येथील राजेंद्र बबनराव काळभोर (वय ५५) यांनी त्यांची दुचाकी (क्र. एम. एच. १२ क्यू. डी. ३२३३) स्मशानभूमीसमोर पार्क केली असता चोरट्याने ती लांबविली. याबाबत लोणी काळभोर पोलिस ठाण्यात तक्रार दाखल केली होती.
तक्रार दाखल झाल्यानंतर सहाय्यक पोलिस निरीक्षक कृष्णा बाबर यांच्या पथकाने चार दिवस सतत तपास करून १६५ सीसीटीव्ही कॅमेऱ्यांचे फुटेज तपासले. त्यातून आरोपी बिबवेवाडीच्या दिशेने चोरीची दुचाकी घेऊन जात असल्याचे निदर्शनास आले. मिळालेल्या माहितीच्या आधारे पोलिसांनी सापळा रचून आरोपीचा शोध घेतला.
ही कारवाई वरिष्ठ पोलिस निरीक्षक राजेंद्र पन्हाळे, पोलिस निरीक्षक (गुन्हे) स्मिता पाटील, सहाय्यक पोलिस निरीक्षक कृष्णा बाबर, तसेच सातपुते, शिरगिरे, कुदळे, पाटील, माने, विर, देवीकर, कुंभार, गाडे, राहुल कर्डीले, सोनवणे, दडस, गिरी यांनी कारवाई केली.
03440
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.