गुरव, राक्षे यांना पुरस्कार

वडगाव मावळ, ता. ३ : येथील व्याख्याते विवेक गुरव व महान राष्ट्र डेव्हलपमेंट संस्थेचे अध्यक्ष कमलेश राक्षे यांना कोल्हापूरच्या आविष्कार अँड एज्युकेशन फाउंडेशनतर्फे लोकराजा राजश्री शाहू महाराज पुरस्कार देण्यात आला. कोल्हापूरमधील शाहू स्मारक भवन येथे इस्रो संशोधन केंद्रातील सेवानिवृत्त अभियंता नगीनभाई प्रजापती यांच्या हस्ते पुरस्कार वितरण सोहळा झाला. ज्येष्ठ साहित्यिक प्रा. किसनराव कुऱ्हाडे, नेस वाडिया पुणेचे उपप्राचार्य प्रकाश चौधरी, रयत शिक्षण संस्था दक्षिण विभागाध्यक्ष ए. बी. शेख, आविष्कार सोशल फाउंडेशनचे अध्यक्ष संजय पवार आदी उपस्थित होते.