महापुरुषांचे बॅनर फाडणाऱ्यांना अटक

वडगाव निंबाळकर, ता. २२ : वडगाव निंबाळकर (ता. बारामती) येथील होळ चौकात डॉ. बाबासाहेब आंबेडकर, महात्मा फुले जयंतीनिमित्त लावण्यात आलेला बॅनर दगड फेकून फाडल्याप्रकरणी सहायक फौजदार भालचंद्र साळुंखे यांच्याविरोधात गुन्हा दाखल करण्यात आला होता. तथापि, यामध्ये फिर्यादीच आरोपी असल्याचे पोलिस तपासात स्पष्ट झाले आहे. या प्रकरणी आकाश संजय साळवे, जयंत हरिश्चंद्र हिरवे, मोहन दौलत बनकर, संतोष तुकाराम हिरवे व मुकेश हनुमंत माने (सर्व रा. वडगाव निंबाळकर, ता. बारामती) यांच्याविरोधात गुन्हा दाखल करून अटक करण्यात आली आहे.