उंडवडीतील अपघातप्रकरणी 
वर्षानंतर खुनाचा गुन्हा दाखल

उंडवडीतील अपघातप्रकरणी वर्षानंतर खुनाचा गुन्हा दाखल

वडगाव निंबाळकर, ता. २ : उंडवडी सुपे (ता. बारामती) येथे सुपे रस्त्यावर शिंदेवस्तीजवळ दुचाकीला पाठीमागून उडविलेल्या मोटर चालकाविरोधात उच्च न्यायालयाच्या आदेशानंतर वडगाव निंबाळकर पोलिस ठाण्यात एक वर्षानंतर खुनाचा गुन्हा दाखल केला आहे.
गेल्या वर्षी १५ जुलै २०२३ रोजी सायंकाळी पाच सुमारास प्रमोद ईश्वर मांढरे यांच्या दुचाकीला अमोल राजाराम गवळी यांच्या मोटारीने पाठीमागून येऊन धडक दिली होती. यामध्ये दुचाकी चालक प्रमोद मांढरे हे गंभीर जखमी झाले होते. दवाखान्यात उपचारादरम्यान त्यांचा मृत्यू झाला.
मृत्यूपूर्वी प्रमोद यांनी दिलेल्या माहितीनुसार, अमोल यांच्या चारचाकी गाडीने जाणीवपूर्वक ठोस दिली. यापूर्वी झालेल्या भांडणाचा राग मनात धरून मारल्याचे सांगितले. याबाबत पोलिसांना माहिती देण्यात आली. सुरुवातीला पोलिसांनी अपघात असल्याचे सांगून नोंद करण्याची तयारी केली.
नातेवाइकांनी सर्व हकिगत सांगितल्यानंतर अमोल यांच्यावर सदोष मनुष्यवधाचा गुन्हा नोंदवण्यात आला. सरकारी वकील यांनी सदरचा प्रकार हा अपघात नसून, खून असल्याचा युक्तिवाद केला. आरोपीने पूर्व नियोजन करून थंड डोक्याने केलेला खूनच आहे. त्याचा तपास करण्यासाठी जास्तीत जास्त पोलिस कोठडीची मागणी केली होती.
याबाबत फिर्यादीने मुंबई उच्च न्यायालयामध्ये रिट पिटीशन दाखल केले होते. न्यायालयाने तपासी अधिकाऱ्यांना खुलासा प्रतिज्ञापत्र दाखल करण्याचे आदेश देऊन सरकारी वकिलांना या प्रकरणात स्वतः लक्ष घालण्याचे आदेश दिले. अखेर न्यायालयाच्या आदेशावरून पोलिसांनी पुढील तपास सुरू करून पुरावे गोळा करण्यास सुरुवात केली आहे. खुनाचा गुन्हा नोंदवला.
फिर्यादी पक्षातर्फे मुंबई उच्च न्यायालयात ॲड. प्रशांत जी. भापकर, ॲड. साक्षी माने व ॲड. स्वाती सिंग यांनी कामकाज पाहिले.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com