पावसामुळे सुखावला वडापुरीमध्ये शेतकरी

वडापुरी, ता.४ : वडापुरी (ता. इंदापूर) परिसरात पाच वाजता वादळी वाऱ्यासह व विजांच्या कडकडासह मंगळवारी (ता.४) अचानक पावसाने दमदार हजेरी लावली. वादळी वाऱ्यासह झालेल्या पावसामुळे शेतात सर्वत्र पाणीच पाणी साचले. यामुळे शेतकरी सुखावला आहे. कारण या पावसामुळे शेतातील असलेल्या पिकांना देण्यात येणाऱ्या पाण्याची पाळी वाचली आहे.
इंदापूर तालुक्यातील शेतकऱ्यांनी खरीप हंगामाच्या पेरण्या अगोदरची कामे संपूर्णपणे ठेवली आहेत. मात्र पाऊस कधी पडतोय याचीच वाट पाहत बसलेला शेतकरी सुखावला आहे.
पावसाने चार जूनला सुरुवात केल्याने यावर्षी पावसाळा चांगला जाईल, पावसाच्या पाण्यामुळे विहिरींची पातळी वाढेल व खरीप हंगाम शेतकऱ्यांच्या पदरात पडेल, अशी आशा शेतकऱ्यांनी व्यक्त केली.

02113