हार्वेस्टरने गहू काढण्यास इंदापूर तालुक्यामध्ये वेग

वडापुरी, ता. ४ : इंदापूर तालुक्यातील गव्हाचे पीक परिपक्व अवस्थेत झाले आहे. त्यामुळे मजूर टंचाईवर मात करण्यासाठी शेतकरी हार्वेस्टरच्या साह्याने गहू काढणी करीत आहे.
सध्या मजुराची टंचाई मोठ्या प्रमाणात भासू लागली आहे. त्यामुळे पंजाबहून गव्हाच्या काढणीसाठी हार्वेस्टर मागविले आहेत. सध्या तालुक्यात गहू काढणीला वेग आला आहे.
सध्या एका एकराला गहू काढण्यासाठी हार्वेस्टरचा अडीच हजार ते तीन हजार रुपयांपर्यंत दर आहे. त्यामुळे हार्वेस्टरला मोठी मागणी वाढत आहे कारण मजरांकडून गहू काढणे, मळणी करणे, इत्यादी खर्चाचा विचार करता मजुरीचा दर परवडत नाही. हार्वेस्टरच्या माध्यमातून गहू करण्यासाठी शेतकऱ्यांची हार्वेस्टरला पसंती असल्याचे इंदापूर तालुक्यात पहावयास मिळत आहे.
शेटफळ हवेली, अवसरी, बेडशिंग, वडापुरी, पंधारवाडी, रेडणी, लाखेवाडी, बाभूळगाव, कांदलगाव, हिंगणगाव, विठ्ठल वाडी, गलांडवाडी नं २, शहाजीनगर परिसरात गहू काढणीला वेग आला आहे.

03125