कानंद धनगरवस्ती येथे आगीमध्ये संसार खाक

वेल्हे, ता.१६ : गुंजवणी धरण खोऱ्यातील दुर्गम कानंद, धनगरवस्ती (ता.राजगड) येथील लागलेल्या आगीमध्ये लक्ष्मण नागू जानकर यांचे घर जळून खाक झाले. ही घटना शनिवारी (ता.१५) सायंकाळी पाच वाजण्याच्या सुमारास घडली आहे. आगीमुळे घरातील सर्व संसार उपयोगी साहित्य जळून खाक झाले. सुदैवाने घरात कोणी नसल्याने जीवितहानी टळली आहे.

वणव्यामुळे घराला आग लागली असल्याची माहिती येथील पोलिस पाटील संजय कडू व ग्रामस्थांनी यांनी दिली आहे. आग लागली त्यावेळेस जानकर हे शेतामध्ये गेले होते तर त्यांची पत्नी व मुलगा कामानिमित्त पुणे शहरांमध्ये गेले होते. वणव्यामुळे आगीची दाहकता एवढी मोठी होती की काही मिनिटांमध्येच घरामधील असणारे साहित्य जळून खास झाले. दरम्यान, घटनास्थळी रविवारी (ता.१६) तलाठी अस्मिता चांगले यांच्यासह पोलीस पाटील संजय कडू यांनी भेट दिली व पंचनामा केला असता. घरामधील साहित्य व रोकड मिळून सुमारे तीन लाख ६० हजार रुपयांचे नुकसान झाल्याचे चांगले यांनी सांगितले.
02880