गुंजवणी धरणात ८८ टक्के साठा

वेल्हे, ता. १९ : गुंजवणी धरण (ता. राजगड) परिसरामध्ये गेल्या दोन दिवसांपासून पडत असलेल्या मुसळधार पावसामध्ये धरण पातळीमध्ये वाढ झाली असून, मंगळवार (ता.१९) धरणात ८८.४८ टक्के साठा पाणीसाठा जमा झाला असल्याची माहिती गुंजवणी धरण विभागाचे उपअभियंता नयन गिरमे यांनी दिली.
राजगड तालुक्यामध्ये गेल्या दोन दिवसांपासून मुसळधार पाऊस कोसळत असून धरण क्षेत्र व रायगड जिल्ह्याच्या लगत असणाऱ्या घाटमाथ्यावर पावसाचे प्रमाण अधिक आहे. तालुक्याच्या पश्चिम भागात असलेल्या निव्ही, कानंद, घेवंडे, घिसर, अंत्रोली या परिसरामधील ओढ, नाले, दुथडी भरून वाहत आहेत, तर डोंगर माथ्यावरील लहान- मोठ्या धबधब्यांमधून मोठ्या प्रमाणात पाणी धरणात येत असल्याने पाण्याच्या पातळीमध्ये वाढ झाली आहे. राजगडचे तहसीलदार निवास ढाणे यांनी अतिवृष्टीच्या पार्श्वभूमीवर नागरिकांना सतर्कतेचा इशारा दिला आहे.