भवानीनगरच्या श्री छत्रपती शिक्षण संस्थेचा निकाल ९२.९० टक्के

वालचंदनगर, ता. २ : भवानीनगर (ता. इंदापूर) येथील श्री छपत्रती शिक्षण संस्थेचा इयत्ता दहावीचा निकाल ९२. ९० टक्के लागला.
भवानीनगर मधील श्री छत्रपती सहकारी साखर कारखान्याच्या श्री छत्रपती शिक्षण संस्थेच्या इंदापूर व बारामती तालुक्यामध्ये १४ शाखा आहेत. दहावीच्या परीक्षेसाठी १४ शाखेमधून ६४८ विद्यार्थी परीक्षेसाठी बसले होते. यातील ६०२ विद्याथी पास झाले असून संस्थेचा निकाल ९२. ९० टक्के लागला आहे. यशस्वी विद्यार्थ्यांचे श्री छत्रपती शिक्षण संस्थेचे अध्यक्ष प्रशांत काटे, सचिव अशोक मोरे, प्राचार्य रमेश मचाले यांनी अभिनंदन केले.

श्री छत्रपती शिक्षण संस्थेच्या १४ शाखेचा निकाल पुढील प्रमाणे...
श्री छत्रपती मुलांचे हायस्कूल भवानीनगर (९३. ३७), श्री छत्रपती हायस्कूल मानकरवाडी (९८. १८), श्री छत्रपती मुलींचे हायस्कूल भवानीनगर (१०० टक्के), श्री छत्रपती इंग्लिश मीडियम स्कूल, भवानीनगर (१०० ), श्री छत्रपती हायस्कूल सणसर (९०. ३८), श्रीमती हिराबाई हरिभाऊ देसाई विद्यालय बेलवाडी (१००), श्री छत्रपती हायस्कूल अंथुर्णे (१००), श्री छत्रपती हायस्कूल, काटेवाडी (९५. ८३), श्रीमती हौसाबाई पांडुरंग घोरपडे विद्यालय, पिंपळी (९०. ६२), श्री छत्रपती हायस्कूल सोनगाव (१००), श्री छत्रपती हायस्कूल निंबोडी (६५. २१), श्री छत्रपती हायस्कूल उद्धट (६६. ६६), श्री छत्रपती हायस्कूल, परीटवाडी (९०. ९०), श्री छत्रपती हायस्कूल शिंदेवाडी (९२. ९०)