जाचकच्या खांद्यावर सभासदांच्या अपेक्षांचे ओझे
वालचंदनगर, ता. ५ : भवानीनगर (ता.इंदापूर) येथील श्री छत्रपती सहकारी साखर कारखान्याच्या अध्यक्षपदाच्या खुर्चीमध्ये साखर संघाचे माजी अध्यक्ष पृथ्वीराज जाचक विराजमान झाले असून जाचकबापूंच्या खांद्यावर छत्रपती कारखान्याच्या सभासदांच्या अपेक्षांचे ओझे आहे.
श्री छत्रपती सहकारी साखर कारखान्याची पंचवार्षिक निवडणूक नुकतीच पार पडली. निवडणुकीमध्ये राज्याचे उपमुख्यमंत्री अजित पवार, क्रीडा व युवक कल्याण मंत्री दत्तात्रेय भरणे व साखर संघाचे माजी अध्यक्ष पृथ्वीराज जाचक यांच्या पॅनेलची एकहाती सत्ता आली आहे. कारखान्याच्या अध्यक्षपदी पृथ्वीराज जाचक व उपाध्यक्ष पदी कैलास गावडे यांची बिनविरोध निवड ही झाली आहे. जाचक यांच्या नेतृत्वाखाली कारखान्याच्या कारभार सुरु झाला आहे. श्री छत्रपती सहकारी कारखान्याच्या सभासदांच्या उसाला माळेगाव व सोमेश्‍वर सहकारी साखर कारखान्याच्या तुलनेमध्ये ५०० ते ६०० रुपये प्रतिटन दर कमी मिळत आहे. कमी दरामुळे गेल्या पाच -सहा वर्षापासून सभासदांचे अतोनात नुकसान झाले आहे. तसेच कामगारांचे अनेक प्रश्‍न आहे. कामगारांचा अधिकचा बोनस हवा आहे. श्री छत्रपती कारखान्याला गतवैभव प्राप्त झाले पाहिजे, अशी सर्व सभासदांची अपेक्षा आहे. तसेच निवडणुकीमध्ये ही पवार-भरणे-जाचक यांनी कारखान्याला गतवैभव प्राप्त करून देण्याचा प्रयत्न करण्याचे आश्‍वासन दिले आहे. माळेगाव व सोमेश्‍वर सहकारी साखर कारखान्याच्या तुलनेमध्ये उसाला जास्तीजास्त दर मिळावा, ही सभासदांची प्रमुख अपेक्षा आहे. उसाची तोडणी वेळेत व नियमाप्रमाणे होण्याची सभासदांच्या अपेक्षा असून, कारखान्याना गतवैभव प्राप्त व्हावे अशी सभासदांचा इच्छा आहे.
संचालक मंडळापुढील आवाहने
सन २०२५-२६ च्या गळीत हंगामामध्ये श्री छत्रपती सहकारी साखर कारखान्याच्या संचालक मंडळाने १२ लाख मेट्रीक टन ऊस गाळपाचे उद्ष्ठि ठेवले आहे. कारखान्याच्या कार्यक्षेत्रातील ऊस दुसऱ्या कारखान्याला गाळपासाठी जाणार नाही याची काळजी संचालक मंडळाला घ्यावी लागणार आहे. तसेच गळीत हंगामामध्ये साखरेचा उतारा (रिकव्हरी) वाढवणे, ऊस तोडणी- वाहतुकीचे योग्य नियोजन करणे, सभासदांचा ऊस तोडणी करणे, सभासदांच्या उसाला जास्तजास्त दर देवून एकरकमी पैसे देणे, कारखान्यातील कामगारांना वेळेमध्ये पगार करण्याची आवाहने कारखान्याचे अध्यक्ष पृथ्वीराज जाचक व संचालक मंडळासमोर असून सभासद व कामगारांच्या अपेक्षा पूर्ण करण्याची जबाबदारी आहे.
05188
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.