इंदापुरातीतील १३ जणांवर मकोका कारवाई

वालचंदनगर, ता. १३ : पुणे व सोलापूर जिल्ह्यामध्ये दशहत वाढवून सातत्याने योजनाबद्द गुन्हे करणाऱ्या राजेंद्र व राजू महादेव भाळे यांच्या टोळीत १३ सदस्यांवर महाराष्ट्र संघटीत गुन्हेगारी अधिनियमानूसार (मकोका) कारवाई करण्यात आली असल्याची माहिती अतिरिक्त पोलिस अधीक्षक गणेश बिरादार, उपविभागीय पोलिस अधिकारी डॉ. सुर्दशन राठोड व वालचंदनगर पोलिस ठाण्याचे सहायक पोलिस निरीक्षक राजकुमार डुणगे यांनी दिली.
इंदापूर तालुक्यातील निमसाखरमध्ये २७ फेब्रुवारी रोजी उत्तम जालिंधर जाधव (वय ३४, रा. खोरोची) यांचा दगडाने ठेचून, तसेच कोयत्याने वार करून खून केला होता. त्यामध्ये १३ आरोपींना सहभाग असल्याचे निष्पन्न झाल्यानंतर वालचंदनगर पोलिस ठाण्याचे सहायक पोलिस निरीक्षक डुणगे यांनी मुख्य आरोपी राजेंद्र ऊर्फ राजु महादेव भाळे (रा. खोरोची), रामदास ऊर्फ रामा शिवाजी भाळे (रा. खोरोची), शुभम ऊर्फ दादा बापु आटोळे (रा. शेळगाव), स्वप्निल बबन वाघमोडे (रा. रेडणी), नाना भागवत भाळे (रा. खोरोची), निरंजन लहू पवार (रा. खोरोची), तुकाराम ज्ञानदेव खरात (रा. खोरोची), मयुर ऊर्फ जिजा मोहन पाटोळे (रा. निमसाखर), अशोक बाळू यादव (रा.शेळगाव), धनाजी गोविंद मसुगडे (रा. कारुंडे, ता. माळशिरस, जि. सोलापुर), सोमनाथ बबन पवार (रा. कळंब), सनी विलास हरिहर (रा. अंथुर्णे), अक्षय भरत शिंगाडे (रा. शेळगाव) यांच्यावर महाराष्ट्र संघटीत गुन्हेगारी नियंत्रण अधिनियमानूसार कारवाई केली आहे.
राजु भाळे यांच्यावर १२ गुन्हे दाखल असून, तो सराईत गुन्हेगार असून, पुणे व सोलापूर जिल्ह्यातील इंदापुर, माळशिरस, नातेपुते या भागामध्ये वर्चवस्व वाढविण्यासाठी नियोजनबद्ध गुन्हे करीत होता. भाळे यांच्या टोळीला पायबंद घालण्यासाठी वालचंदनगर पोलिसांनी मकोकाअंतर्गत कारवाई केली.
सदरची कारवाई पोलिस निरीक्षक अविनाश शिळीमकर, वालचंदनगर पोलीस ठाण्याचे सहायक पोलिस निरीक्षक राजकुमार डुणगे, महेश बनकर, अभिजीत कळसकर, शैलेश स्वामी, गुलाबराव पाटील, जगदीश चौधर, विक्रमसिंह जाधव, गणेश वानकर, प्रेमा सोनावणे, सचिन खुळे यांनी केली.