भरणेवाडीमध्ये आढळला अनोळखी पुरुषाचा मृतदेह

वालचंदनगर, ता. ९ ः भरणेवाडी (ता. इंदापूर) गावच्या हद्दीमध्ये एका अनोळखी पुरुषाचा मृतदेह आढळला आहे. मृतदेहाविषयी माहिती असल्यास तातडीने वालचंदनगर पोलिसांशी संपर्क करण्याचे आवाहन पोलिसांनी केले आहे. गुरुवार (ता. ९) भरणेवाडी गावच्या हद्दीमध्ये जंक्शन- कळस रस्त्यापासून २०० फूट अंतरावर एका अनोळखी पुरुष जातीच्या व्यक्तीचा मृतदेह आढळला आहे. मृतदेहाच्या अंगावर कसल्याही प्रकारचे कपडे नव्हते. उंची अंदाजे साडेपाच फूट, रंग निमगोरा, दाढी व केस वाढलेले असून, याविषयी माहिती असल्यास तातडीने वालचंदनगर पोलिस ठाण्याशी संपर्क साधण्याचे आवाहन वालचंदनगर पोलिस ठाण्याचे सहाय्यक पोलिस निरीक्षक राजकुमार डुणगे यांनी केले आहे.