दौंडजला विसावला सोपानकाकांच्या पालखीचे स्वागत

दौंडजला विसावला सोपानकाकांच्या पालखीचे स्वागत

वाल्हे, ता. ८ : संत सोपानकाका महाराज यांचा पालखी सोहळा नीरा, वाल्हे, पिंपरे खुर्द या गावांचे स्वागत स्वीकारीत प्रथमच दौंडज (ता.पुरंदर) येथे
मुक्कामासाठी विसावला. टाळमृदंगाचा जयघोष आणि भाविकांची दर्शनासाठी उडालेली झुंबड यामुळे ''अवघी दुमदुमले दौंडज'' अशीच परिसराची अवस्था झाली
होती. यावेळी ग्रामस्थांनी पालखी जोरदार स्वागत केले.
सोरटेवाडी येथून ऊन-सावलीच्या खेळात धिम्या गतीने निघालेला पालखी सोहळा नीरेा येथे न्याहरी घेऊन आज सकाळी पिंपरे खुर्द या ठिकाणी विसावला. पिंपरे खुर्द येथे दुपारचे जेवण करून अल्पशा विश्रांतीसाठी वाल्हे (ता.पुरंदर) नजीक कामठवाडी येथे दुपारी एक वाजता विसावला. नंतर निघालेल्या पालखी सोहळ्याचे पावणेचार वाजण्याच्या दरम्यान दौंडज (ता.पुरंदर)येथे प्रथमच आगमन झाले.

दौंडज ग्रामस्थांच्या वतीने पालखी सोहळ्याचे सरपंच सीमा भुजबळ व उपसरपंच अमोल कदम यांच्या हस्ते पुष्पहार अर्पण करून, मोठ्या उत्साहात स्वागत करण्यात आले. पालखी सोहळा प्रमुख त्रिगुण गोसावी महाराजांचा यांचा सत्कार करण्यात आला. यावेळी ग्रामसेवक बी.बी.शिंदे, विजय फाळके, रामदास भोसले, सोपान दगडे, जयवंत जाधव, अमोल कदम, नितीन जाधव, सुदाम माळवदकर, लक्ष्मण दगडे, मधुकर इंदलकर, लक्ष्मण दगडे, नितीन दगडे, अब्दुल शेख, धनंजय जाधव आदी उपस्थित होते.
चोपदारांनी सूचना केल्यानंतर शेकडो वैष्णवांच्या उपस्थित समाज आरती झाली. आरतीनंतर उशिरापर्यंत भाविकांनी रांगा लावून सोपानकाकांच्या पादुकांचे दर्शन घेतले.

दौंडज ग्रामस्थांच्या वतीने पालखी सोहळ्यासाठी भोजनाची व ठिकठिकाणी राहण्याची व्यवस्था करण्यात आली होती. पालखी सोहळ्यासाठी दौंडज
ग्रामपंचायत व ग्रामस्थांच्या वतीने ठिकठिकाणी पिण्याच्या पाण्याची व्यवस्था करण्यात आली होती.

01753

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com