वाल्हेच्या वाल्मीकी विद्यालयात हुतात्मांना वाहिली श्रद्धांजली

वाल्हे, ता.२६ : येथील महर्षी वाल्मीकी विद्यालयामध्ये बुधवारी (ता. २६) देशभक्तिपर गीते आणि भारतमाता की जय, वंदेमातरम अशा घोषणांनी ''कारगिल विजय दिन'' साजरा केला.

यावेळी भारतमातेच्या प्रतिमेला पुष्पहार अर्पण करून विद्यार्थ्यांनी विविध कला सादर केल्या. याप्रसंगी शाळा व्यवस्थापन समिती अध्यक्ष किशोर कुदळे, सतीश अधिकारी, लक्ष्मण भालसिंग, राजेशकुमार सोनवणे आदी उपस्थित होते.

दरम्यान, यावेळी कारगिल युद्धामध्ये वाल्हेजवळील पिंगोरी येथील शहीद शंकर शिंदे यांच्यासह हुतात्मा सैनिकांना श्रद्धांजली वाहण्यात आली. त्यानंतर सहशिक्षक विशांत ठाकूर, अतुल गायकवाड, संदीप जाधव यांनी उपक्रमाचे संयोजन केले.