वाल्ह्यात रानडुकरांच्या झुंडींचा धुमाकूळ
वाल्हे, ता. १० : आडाचीवाडी, पिंगोरी, वाल्हे परिसरामध्ये वनविभागाच्या दुर्लक्षामुळे रानडुकरांच्या झुंडींनी अक्षरक्ष: धुमाकूळ घातला आहे. काही दिवसांपासून शेतातील ऊस, भुईमूग, पावटा, मका आदी पिकांचा फडशा पाडत आहेत. त्यामुळे शेतकरी हतबल झाला आहेत.
रानडुकरांचा बंदोबस्त करून नुकसानग्रस्त शेतीची पाहणी व पंचनामा करून वन विभागाने शेतकऱ्यांना नुकसान भरपाई द्यावी, अशी मागणी महेश पवार, बाळकृष्ण पवार, पोपट पवार आदी शेतकरी करीत आहेत.
वाल्हेनजिक बापसाईवस्ती येथे मंगळवारी (ता. ८) रात्री आनंद पवार यांच्या ऊस शेतामध्ये रात्रीच्या वेळी रानडु्क्करांच्या कळपाने शेतात घुसून
उसाची नासधूस केली व पिके फस्त केली. शेतातील ठिबक सिंचन संचाचे देखील अतोनात नुकसान केले. वाल्हे परिसरातील पिंगोरी, आडाचीवाडी
परिसरामध्ये वनविभागाच्या डोंगररांमध्ये वन्यप्राण्यांची संख्या मोठी आहे. या प्राण्यांचा बंदोबस्त करण्यासाठी शेतकऱ्यांनी विविध उपायांसह फटाक्यांचा देखील वापर येथील शेतकऱ्यांकडून केला जात आहे. मात्र, रानडुक्करांनी दाद दिली नाही. वन्यप्राण्यांमुळे हातातोंडाशी आलेल्या घास हिरावला जात आहे.
रानडुक्करांना पिटाळून लावण्यासाठी शेतकऱ्यांची दिवस-रात्र धडपड सुरू आहेत. वन्यप्राणी शेतात येऊ नयेत यासाठी शेतात नेटच्या जाळ्या लावणे, तारेचे कुंपण करणे, पाण्याच्या रिकाम्या बाटल्या लटकवणे, बुजगावणे बसविणे आदि उपाय योजना केल्या जात आहेत. ‘सकाळ’ने सातत्याने आवाज उठवल्यानंतर वनविभागाने बंदोबस्त करण्याच्या विविध उपाययोजना केल्या. मात्र, या उपाय योजना कुचकामी ठरत असल्याचे महिला शेतकरी शीतल दत्तात्रेय पवार यांनी सांगितले.
एकीकडे शेतीला हमीभाव नाही, पावसामुळे पिके खराब होत आहेत. त्यातच वन्यप्राण्यांमुळे शेत पिकांचे नुकसान होत आहे. फळबागांसह ऊस,
भुईमूग, पावटा, मका आदी पिकांमध्ये रात्रीच्या वेळी रानडुक्करांच्या झुंडी पूर्ण पिकांचा फडशा पाडत आहेत.
- सुजाता आनंदा पवार
ऑनलाइन अर्ज भरून देण्याचे आवाहन
वन्यप्राण्यांकडून झालेल्या नुकसानीच्या भरपाईबाबत शेतकऱ्यांनी वनविभागाशी संपर्क साधावा. शेतातील नुकसानीबाबत शेतकऱ्यांनी ऑनलाइन
पद्धतीने नुकसान झालेल्या पिकांची तत्काळ नोंद करावी नोंद केल्यानंतर संबंधित शेतकऱ्यांना नुकसान भरपाई दिली जाणार आहे. शेतकऱ्यांनी नुकसानीबाबत
ऑनलाइन अर्ज भरून देण्याबाबतही वनविभागाच्या वतीने शेतकऱ्यांना आवाहन करण्यात आले आहे.
04863
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.