पिसुर्टीमधील विद्यार्थ्यांना शैक्षणिक साहित्य वाटप

वाल्हे, ता. ७ : पिसुर्टी (ता. पुरंदर) येथील जिल्हा परिषद प्राथमिक शाळेतील विद्यार्थ्यांना गुरुवारी (ता. ७) जेजुरी येथील श्री मार्तंड देवसंस्थानच्या वतीने प्रमुख विश्वस्त मंगेश घोणे, विश्वस्त पोपट खोमणे यांच्या हस्ते शालेय साहित्याचे वाटप करण्यात आले. याप्रसंगी जिसाचे अध्यक्ष सुरेश उबाळे, संपत कोळेकर, माजी सरपंच अशोक बरकडे, पृथ्वीराज निगडे,जगन्नाथ बरकडे, दादा बरकडे, शीतल चोरमले, रामदास काळे, हरी चोरमले, तानाजी बरकडे आदी उपस्थित होते. दरम्यान, या शाळेचे माजी विद्यार्थी स्वप्नील बरकडे यांनी सामाजिक बांधिलकी जपून विद्यार्थ्यांनी शैक्षणिक साहित्य मिळविण्यासाठी विशेष प्रयत्न केल्याबद्दल मान्यवरांच्या हस्ते बरकडे यांचा सत्कार करण्यात आला. सहशिक्षक वसंत दिघे, प्रीतम बारभाई, सुजाता झगडे, निर्मला खोमणे यांनी कार्यक्रमाचे संयोजन केले. मुख्याध्यापक संजय तांबेकर यांनी प्रास्ताविक केले. मेघराज कुंभार यांनी सूत्रसंचालन, तर पदवीधर शिक्षक योगेश राऊत यांनी आभार मानले.