वाल्हे परिसरात गौराईचे घरोघरी स्वागत
वाल्हे, ता.३१: ‘आली गवर आली, सोनपावली आली...’ अशा पारंपरिक गीतांच्या गजरात वाल्हे परिसरात रविवारी (ता. ३१) गावोगावी ज्येष्ठा-कनिष्ठा गौराईचं मोठ्या
उत्साहात वाजतगाजत स्वागत करण्यात आले. हळदी-कुंकवाच्या पायघड्यांवरून सुख-समृद्धीच्या पावलांनी, लक्ष्मीच्या पावलांनी आलेल्या गौराईचे घरोघरी
उत्साहात स्वागत करण्यात आले.
गौराईचे महिलांनी पारंपरिक पद्धतीने स्वागत केले. हळदी-कुंकवाच्या पाण्यात हात बुडवून त्याचे ठसे जमिनीवर उमटवत गातलेल्या पायघड्यांवरून गौराईचे आगमन झाले. दारापासून घरातल्या पूजेच्या स्थळापर्यंत रांगोळ्यांनी सजवलेलं मार्ग, नव्या साड्या, दागदागिने, विविध पदार्थांचा नैवेद्य आणि भक्तीभावाने केलेली पूजा – यामुळे संपूर्ण परिसर भक्तिमय झाला.
वाल्हे (ता. पुरंदर) येथील सुनीता पवार आणि रश्मी पवार यांनी यावर्षी गौराई-गणपतीसमोर खास आकर्षक देखावा साकारला. महाराष्ट्राचे
कुलदैवत खंडोबा आणि जेजुरी गडाच्या प्रतिकृतीसह लहान-मोठ्या बाहुल्यांच्या माध्यमातून गडावरील ग्रामीण संस्कृतीचे दर्शन त्यांनी सादर केले. देखाव्याभोवती
नक्षीदार रांगोळ्या, पानाफुलांची सजावट आणि सृजनशीलतेचा उत्कट आविष्कार यामुळे हा देखावा ग्रामस्थांचे विशेष आकर्षण ठरला.
05167
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.