'यशदा'च्यावतीने गीतलेखन स्पर्धेचे आयोजन, विजेत्यास पारितोषिक

पुणेः यशवंतराव चव्हाण विकास प्रशासन प्रबोधिनीच्या (यशदा) माध्यम व प्रकाशन केंद्राच्यावतीने यशदाच्या गीतलेखन स्पर्धेचे आयोजन करण्यात आले आहे. हे गीत यशदाची ध्येय, धोरणे स्पष्ट करणारे असणे, अपेक्षित आहे.

ही स्पर्धा सर्वांसाठी खुली असून स्पर्धेत सहभागी होण्यासाठी कोणतेही शुल्क नाही. स्पर्धेसाठी गीत सादर करण्यासाठी २६ ऑक्टोबर २०२५ पर्यंतची मुदत आहे. विजेत्या एका गीतकारास ११ हजार रुपयांचे पारितोषिक देण्यात येणार आहे. तर सहभागी झालेल्या प्रत्येकाला सहभाग प्रमाणपत्र देण्यात येणार आहे.

अधिक माहितीसाठी तसेच गीत सादर करण्यासाठी आपण यशदाच्या mahayashada.org या संकेतस्थळाला भेट द्यावी. अधिक माहितीसाठी कृपया माध्यम व प्रकाशन केंद्राच्या प्रभारी अधिकारी डॉ. किरण धांडे (मो. 9665246198) किंवा प्रकल्प संशोधक (माध्यम व प्रकाशन विभाग) यशदा, पुणे (मो. 7798703952) यांना संपर्क साधावा, असे आवाहन करण्यात आले आहे.