थेट बांधावर मदतीचा हात देण्याची ग्वाही

वाल्हे, ता. ५ : पुरंदर तालुक्यातील जेऊर येथे नुकत्याच झालेल्या वादळीवारे व पावसामुळे केळी बागांसह इतर पिकांचे मोठे नुकसान झाले आहे. रविवारी
(ता. ५) महसूल अधिकाऱ्यांसह नवनिर्वाचीत सभापती अमित झेंडे यांनी थेट शेतात जाऊन प्रत्यक्ष परिस्थितीचा आढावा घेतला. शेतकऱ्यांच्या व्यथा एकून घेत त्यांनी लवकरच मदतीचा हात देण्याची ग्वाही दिली. दरम्यान, पावसाने येथील संतोष चोरगे यांचे ४० गुठ्यांची तोडणीला आलेल्या केळीच्या बागांचे ५ ते ६ लाख तर मनोहर धुमाळ यांच्या २० गुंठ्यांतील जवळपास ३ ते ४ लाख रुपयांचे नुकसान झाले असल्याचे मंडल अधिकारी बापूसाहेब देवकर यांनी सांगितले.
दरम्यान, कृषी व महसूल विभागातील अधिकाऱ्यांना तातडीने पंचनामे करण्याच्या सूचना प्रशासनाच्यावतीने देण्यात आल्या आहेत.