यवतमधील १५ जणांना पाच दिवसांची कोठडी

यवत, ता. २: यवतमध्ये पोलिसांनी मशिदींची तोडफोड, जाळपोळ करणाऱ्यांची धरपकड सुरू केली आहे. पोलिसांनी १५ जणांना अटक केली आहे. त्यांना शनिवारी (ता.२) दौंड न्यायालयात हजर करण्यात आले. त्यावेळी न्यायालयाने त्यांना पाच दिवसांची पोलिस कोठडी सुनावली आहे, अशी माहिती यवत पोलिस निरीक्षक नारायण देशमुख यांनी दिली.
युवकांनी शुक्रवारी (ता.१) मोर्चा सहकारनगर, इंदिरानगर, स्टेशन रस्ता येथील मशिदीवर नेला होता. यामुळे तणावपूर्ण परिस्थितीमुळे जिल्हाधिकारी जितेंद्र डुडी यांनी जमावबंदी आदेश लागू केला. पोलिस अधीक्षक संदीपसिंह गिल, अतिरिक्त पोलिस अधीक्षक गणेश बिरादार, उपविभागीय पोलिस अधिकारी बापूसाहेब दडस, एलसीबीचे पोलिस निरीक्षक अविनाश शिळीमकर यवतमध्ये ठाण मांडून आहेत. दरम्यान, सुरक्षेच्या कारणाने पालकांनी मुलांना शाळेत पाठवले नाही. मुख्य बाजारपेठेसह गावातील व्यवहार बंद होते.

01448