यवतला एकाच दिवशी तिघांचा हृदयविकाराने मृत्यू

यवत, ता. २७ : यवतला एकाच दिवशी तीन जणांचा हृदयविकाराने मृत्यू झाल्याची घटना घडली आहे. यात वारकरी सांप्रदायाचे आत्माराम वाघमारे, शेतकरी व व्यावसायिक पांडुरंग यादव व ग्रामपंचायत कर्मचारी वैशाली पळसकर यांचा समावेश आहे. या अचानक घडलेल्या घटनेमुळे नागरिक धास्तावले आहेत. हृदयविकाराच्या कारणांबाबत विविध चर्चा सुरू झाल्या आहेत. काही नागरिक कोरोना लसीशी या मृत्यूंचा संबंध जोडत आहेत, तर काही जण अति रासायनिक खतांचा व कीटकनाशकांचा मारा केलेला भाजीपाला व फळांमुळे आरोग्यावर गंभीर परिणाम होत असल्याचे मत व्यक्त करत आहेत.