विद्यार्थ्यांची कोरोना कवच विमा पॉलिसी काढा | Sakal
sakal

बोलून बातमी शोधा

विद्यार्थ्यांची कोरोना कवच विमा पॉलिसी काढा
विद्यार्थ्यांची कोरोना कवच विमा पॉलिसी काढा

विद्यार्थ्यांची कोरोना कवच विमा पॉलिसी काढा

sakal_logo
By

पुणे, ता. ३ ः राज्यातील शाळा, महाविद्यालयांमधील विद्यार्थ्यांची कोरोना कवच विमा पॉलिसी काढून देण्यासाठी सामाजिक संस्थांनी पुढाकार घेतला आहे. या सामाजिक संस्थांना केवळ आपापल्या शाळांमधील विद्यार्थ्यांची यादी उपलब्ध करून द्यावी. त्यांना आम्ही प्रायोजक मिळवून देण्यासाठी प्रयत्न करू. जेणेकरून अवघ्या तीनशे रुपयांत विद्यार्थ्यांना कोरोनाकाळातील साडेसहा महिन्यांसाठी एक लाख रुपयांच्या विम्याचे कवच मिळू शकेल, असे सामाजिक कार्यकर्ते व श्रीनाथ स्वामी बहुउद्देशीय संस्थेचे श्यामकांत पाटील यांनी सोमवारी (ता. ३) सांगितले.

पंतप्रधान नरेंद्र मोदी यांनी आत्मनिर्भर भारत अभियानांतर्गत विद्यार्थ्यांसाठी परत एकदा नव्याने शाळा सुरू होताना, कोरोना कवच विमा पॉलिसी नव्या स्वरूपात उपलब्ध करून दिली आहे. या पॉलिसीमुळे विद्यार्थी कोरोनाकाळात आत्मनिर्भर होऊ शकणार आहेत. त्यामुळे शाळांनी या पॉलिसीचा लाभ विद्यार्थ्यांना मिळवून देण्‍यासाठी पुढाकार घ्यावा, असे आवाहनही पाटील यांनी केले आहे.

कोरोना संसर्गामुळे मागील सुमारे १८ महिन्यांपासून शाळा बंद असल्याने त्याचा विद्यार्थ्यांच्या शारीरिक व मानसिक स्थितीवर परिणाम झाला आहे. राज्य सरकारने नुकतीच शाळा सुरू करण्यास परवानगी दिली आहे. परंतु, इयत्ता आठवीच्या आतील विद्यार्थ्यांची स्थिती फारच भयाण आहे. सध्या राज्यात ओमिक्रॉन व्हेरियंटची बाधा झालेले कोरोना रुग्ण वाढत आहेत. या पार्श्‍वभूमीवर कोरोना कवच पॉलिसीचा विद्यार्थ्यांना निश्‍चितच फायदा होऊ शकणार आहे. आमच्या सामाजिक संस्थेतर्फे पुणे शहरातील पूना स्कूल ॲँड होम फॉर ब्लाइंड ट्रस्ट या संस्थेतील ७ ते १७ या वयोगटातील १४० दिव्यांग विद्यार्थ्यांना या पॉलिसी उपलब्ध करून दिल्याचे त्यांनी यावेळी सांगितले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top