राष्ट्रवादी युवकच्या उपाध्यक्षपदी अमोल कामठे

सासवड शहर, ता. १ ः कुंभारवळण (ता. पुरंदर) येथील माजी सरपंच व विद्यमान ग्रामपंचायत सदस्य अमोल कामठे यांची पुणे जिल्हा राष्ट्रवादी युवक काँग्रेसच्या उपाध्यक्षपदी निवड करण्यात आली.
जिल्हाध्यक्ष सचिन घोटकुले यांनी ही निवड केली. राज्यमंत्री दत्तात्रेय भरणे यांच्या हस्ते त्यांना निवडीचे पत्र देण्यात आले. यावेळी माजी आमदार अशोक टेकवडे, माजी जिल्हा परिषद सदस्य सुदामराव इंगळे, तालुका राष्ट्रवादीचे अध्यक्ष माणिक झेंडे पाटील, तालुका युवक अध्यक्ष पुष्कराज जाधव, नीरा मार्केट कमिटीचे उपसभापती ईश्वर बागमार, सासवड शहराचे अध्यक्ष राहुल गिरमे, पुणे जिल्हा मध्यवर्ती बँकेचे अध्यक्ष दिगंबर दुर्गाडे, प्रवक्ते विजय कोलते आदि उपस्थित होते.