वानखेडेंबाबतच्या विधानांबाबत मलिक यांच्याकडून समर्थन | Sakal
sakal

बोलून बातमी शोधा

वानखेडेंबाबतच्या विधानांबाबत 
मलिक यांच्याकडून समर्थन
महाराष्ट्र मिलिटरी फाउंडेशनच्यावतीने प्रशिक्षणाचे आयोजन

वानखेडेंबाबतच्या विधानांबाबत मलिक यांच्याकडून समर्थन

sakal_logo
By

मुंबई, ता. २१ : न्यायालयात हमी देऊनही एनसीबीचे अधिकारी समीर वानखेडे यांच्याबाबत विधाने केल्याबाबत आज राष्ट्रवादी काँग्रेसचे नेते नवाब मलिक यांनी समर्थन केले. वानखेडे यांच्या माध्यमातून केंद्रीय तपास यंत्रणेच्या दबावतंत्रावर बोलण्याचा आपला अधिकार अबाधित आहे, असा दावा आज मलिक यांनी केला.

वानखेडे यांच्या वडिलांनी उच्च न्यायालयात मलिक यांच्याविरोधात अब्रूनुकसानीचा दावा दाखल केला आहे. या खटल्याचा निकाल लागेपर्यंत वानखेडे कुटुंबियांबाबत विधाने करणार नाही, अशी हमी न्यायालयात मलिक यांनी दिली. असे असतानाही पत्रकार परिषदेत मलिक यांनी काही वादग्रस्त विधाने केली होती. याबाबत न्या. शाहरुख काथावाला आणि न्या. मिलिंद जाधव यांच्या खंडपीठाने खुलासा करण्याचे निर्देश दिले होते. आज मलिक न्यायालयात सुनावणीसाठी हजर होते आणि त्यांनी प्रतिज्ञापत्र दाखल केले.

वानखेडे यांच्यामार्फत केंद्रीय तपास यंत्रणेच्या दबावतंत्रावर बोलण्याचा माझा अधिकार अबाधित आहे, असा दावा त्यांच्या वतीने करण्यात आला; मात्र खंडपीठाने याबाबत असमाधान व्यक्त केले. वानखेडे यांनी प्रत्यक्ष किंवा अप्रत्यक्षपणे वानखेडे यांची मानहानी करू नये, अशी सूचना खंडपीठाने केली आणि सुनावणी पुढील आठवड्यापर्यंत तहकूब केली.

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top