विनाअनुदानित तत्त्वावर व्यवसाय अभ्यासक्रम सुरू करण्याची मान्यता व्यवसाय अभ्यासक्रमास मान्यता | Sakal
sakal

बोलून बातमी शोधा

विनाअनुदानित तत्त्वावर व्यवसाय अभ्यासक्रम सुरू करण्याची मान्यता
व्यवसाय अभ्यासक्रमास मान्यता
नवीन संस्थांमध्ये ‘विनाअनुदानित’ व्यवसाय अभ्यासक्रमास मान्यता

विनाअनुदानित तत्त्वावर व्यवसाय अभ्यासक्रम सुरू करण्याची मान्यता व्यवसाय अभ्यासक्रमास मान्यता

sakal_logo
By

पुणे, ता. ३ : द्विलक्षी व्यवसाय अभ्यासक्रमाच्या विद्यमान तसेच नवीन संस्थेत नवीन आणि अधिकच्या तुकड्यांना शैक्षणिक वर्ष २०२१-२२ पासून कायमस्वरूपी विनाअनुदानित तत्त्वावर व्यवसाय अभ्यासक्रम सुरू करण्यास मान्यता मिळाली आहे. राज्य सरकारच्या कौशल्य विकास, रोजगार व उद्योजकता विभागाने ही मान्यता दिली आहे.

पूर्व व्यावसायिक अभ्यासक्रम आणि द्वितीय स्तरावरील द्विलक्षी व्यवसाय अभ्यासक्रमाच्या नवीन संस्था आणि अधिकच्या तुकड्यांना कायमस्वरूपी विनाअनुदानित तत्त्वावर मान्यता देण्यासाठी कौशल्य विकास विभागाने दिलेल्या मुदतीत ज्या संस्थांनी सरकारच्या वेबपोर्टलवर मान्यतेसाठी अर्ज केले होते. तसेच व्यवसायास आवश्यक सर्व सुविधा पूर्ण करून निरीक्षणाकरिता विनंती केली होती. अशा संस्थांचा निरीक्षण कार्यक्रम शासकीय औद्योगिक प्रशिक्षण संस्थांनी (आयटीआय) नेमलेल्या समित्यांमार्फत पूर्ण करण्यात आला. या निरीक्षण समित्यांनी त्याचे अहवाल संबंधित वेबपोर्टलवर अपलोड केले आहेत.

शैक्षणिक संस्थांकडून मिळालेल्या दस्तऐवजांची छाननी करून त्यानुसार आवश्यक मानकांची पूर्तता करणाऱ्या संस्थांना द्वितीय स्तरावरील द्विलक्षी व्यवसाय अभ्यासक्रम राबविण्यास मान्यता देण्यात आली आहे. मान्य अभ्यासक्रमांच्या नवीन किंवा अधिकच्या तुकड्या सुरू करण्यास कायमस्वरूपी विनाअनुदान तत्त्वावर मान्यता दिली असली तरीही, भविष्यात कोणत्याही प्रकारचे अनुदान अथवा आर्थिक मदत देण्यात येणार नाही. सरकारने वेळोवेळी निश्चित केलेले शिक्षणशुल्क विद्यार्थ्यांकडून आकारणे संबंधित शिक्षण संस्थेस बंधनकारक राहणार आहे. तसेच, भविष्यात संबंधित अभ्यासक्रम बंद करण्याबाबत किंवा त्यात बदल करण्याविषयी सरकारने धोरणात्मक निर्णय घेतल्यास तो विनाअट संस्थेने अमलात आणणे आवश्यक राहणार आहे. अभ्यासक्रमांना मंजुरी मिळाल्यानंतर हे अभ्यासक्रम सुरू केल्याची माहिती संस्थेने महाराष्ट्र राज्य माध्यमिक व उच्च माध्यमिक शिक्षण मंडळास तत्काळ द्यावी, अशा सूचना कौशल्य विकास, रोजगार व उद्योजकता विभागाच्या सहसचिव डॉ. सुवर्णा खरात यांनी अध्यादेशाद्वारे केल्या आहेत.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top