शाळा बंदचा निर्णय पालकमंत्र्यांच्या कोर्टात | Sakal
sakal

बोलून बातमी शोधा

शाळा बंदचा निर्णय पालकमंत्र्यांच्या कोर्टात
शाळा बंदचा निर्णय पालकमंत्र्यांच्या कोर्टात

शाळा बंदचा निर्णय पालकमंत्र्यांच्या कोर्टात

sakal_logo
By

पुणे, ता. ३ ः नाताळच्या सुटीनंतर शहरातील शाळा आजपासून (ता. ३) सुरू झालेल्या असताना लगेच, त्या बंद करण्याची जोरदार चर्चा सुरू झाली आहे. शहरातील कोरोना रुग्णांची संख्या वाढत असताना महापौर मुरलीधर मोहोळ यांनी आम्ही शाळा बंद करण्यासाठी सकारात्मक आहोत. पण, याचा निर्णय घेण्यासाठी उद्या (ता. ४) पालकमंत्री अजित पवार यांच्या बैठकीमध्ये मागणी केली जाईल, असे स्पष्ट केले.

पुणे महापालिकेने १६ डिसेंबर पहिली ते सातवीपर्यंतची शाळा सुरू करण्याची परवानगी दिली. पण, २५ डिसेंबरपासून नाताळची सुट्टी सुरू होती. तसेच पालकांचे संमतिपत्र न मिळाल्याने अनेक इंग्रजी माध्यमाच्या शाळांनी नाताळच्या सुटीनंतर म्हणजेच ३ जानेवारीपासून शाळा सुरू करण्याचा निर्णय घेतला. त्यानुसार आज शाळा सुरू झाल्या. त्याच दरम्यान, गेल्या आठवड्यापासून महापालिकेच्या हद्दीत कोरोना रुग्णांची संख्या वाढत असल्याने गर्दीवर नियंत्रण आणण्याची मागणी केली जात आहे. त्यासंदर्भाने महापालिकेत आज झालेल्या बैठकीत शाळा बंद करण्याबाबत चर्चा केली.
महापौर मुरलीधर मोहोळ म्हणाले, ‘‘शहरातील रुग्ण संख्या वाढत असल्याने शाळा बंद करून त्या आॅनलाइन सुरू करण्याबाबत नक्कीच विचार करावा लागेल. पालक संघटना, बालरोगतज्ज्ञ यांच्याकडून शाळा आॅनलाइ सुरू करण्याची मागणी केली जात आहे, तसे निवेदनही आले आहेत. पालकमंत्री अजित पवार यांची बैठक मंगळवारी (ता. ४) होत आहे. त्यामध्ये ही मागणी मांडली जाईल.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top