'' अण्णाभाऊ साठे यांचे नाव महामानवांच्या यादीत समाविष्ट करा''

'' अण्णाभाऊ साठे यांचे नाव महामानवांच्या यादीत समाविष्ट करा''

पुणे, ता. ५ ः केंद्र शासनाच्या अखत्यारीत असलेल्या डॉ. बाबासाहेब आंबेडकर फाउंडेशनच्या वतीने देशातील व राज्यातील थोर समाजसुधारक व महामानवांची एक यादी तयार केलेली असते. त्या यादीतून लोकशाहीर अण्णा भाऊ साठे यांचे नाव वगळण्यात आले आहे. या यादीत तत्काळ नाव समाविष्ट करावे. अन्यथा केंद्र सरकारच्या विरोधात तीव्र आंदोलन करण्यात येईल, असा इशारा मातंग समाज व पुणे शहर जिल्हा काँग्रेस कमिटीने दिला आहे.
या थोर महामानवांच्या जयंतीला फाउंडेशनच्या माध्यमातून आर्थिक मदत केली जाते. अण्णाभाऊ साठे हे थोर समाजसुधारक होते, ज्येष्ठ साहित्यिक, लेखक होते. त्यांच्या अनेक साहित्याला महाराष्ट्र शासनाचा पुरस्कार मिळालेला आहे, अशा समाजसुधारकाचे नाव यादीत नसणे संतापजनक आहे. या घटनेचा तीव्र शब्दात निषेध करतो. केंद्रात भाजपचे सरकार आहे. भाजपच्या लोकांना, नेत्यांना देशाचा खरा इतिहास माहीत नाही. खोटा इतिहास सांगून लोकांना हे लोक भ्रमित करत आहेत, अशा आशयाचे निवेदन माजी आमदार सुधाकर भालेराव यांनी फाउंडेशनचे संचालक विकास त्रिवेदी यांना पाठवले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com