मुख्यमंत्री, रश्‍मी ठाकरेंबद्दल आक्षेपार्ह ट्‌विट भाजपच्या सोशल मीडिया सेलचा पदाधिकारी जितेन गजरियाविरुद्ध गुन्हा दाखल | Sakal
sakal

बोलून बातमी शोधा

मुख्यमंत्री, रश्‍मी ठाकरेंबद्दल आक्षेपार्ह ट्‌विट
भाजपच्या सोशल मीडिया सेलचा पदाधिकारी जितेन गजरियाविरुद्ध गुन्हा दाखल
मुख्यमंत्री, रश्‍मी ठाकरेंबद्दल आक्षेपार्ह ट्‌विट भाजपच्या सोशल मीडिया सेलचा पदाधिकारी जितेन गजरियाविरुद्ध गुन्हा दाखल

मुख्यमंत्री, रश्‍मी ठाकरेंबद्दल आक्षेपार्ह ट्‌विट भाजपच्या सोशल मीडिया सेलचा पदाधिकारी जितेन गजरियाविरुद्ध गुन्हा दाखल

sakal_logo
By

पुणे, ता. ६ ः मुख्यमंत्री उद्धव ठाकरे, त्यांच्या पत्नी रश्‍मी ठाकरे यांच्यासह शिवसेनेविरुद्ध आक्षेपार्ह ट्विट करणाऱ्या भाजपच्या सोशल मीडिया सेलचा पदाधिकारी जितेन गजरिया याच्याविरुद्ध पुणे सायबर पोलिसांकडे गुन्हा दाखल करण्यात आला आहे. त्यानुसार, सायबर पोलिसांकडून या प्रकरणाचा तपास केला जात आहे.

शिवसेनेचे शहर उपसंघटक उमेश वाघ (वय ५३, रा. गोखलेनगर) यांनी फिर्याद दिली. शिवसेनाप्रमुख गजानन थरकुडे यांच्या सुचनेनुसार, वाघ यांनी गुरुवारी दुपारी पुणे पोलिसांच्या सायबर पोलिस ठाण्यात गजरियाविरुद्ध गुन्हा दाखल केला. गजरिया हा भाजपच्या सोशल मीडिया सेलचा पदाधिकारी आहे. त्याने ४ जानेवारी रोजी मुख्यमंत्री उद्धव ठाकरे यांच्या पत्नी रश्‍मी ठाकरे यांच्याविषयी आक्षेपार्ह व बदनामीकारक ट्‌विट केले होते. गजरिया याने मुख्यमंत्री उद्धव ठाकरे यांच्याविषयीही आक्षेपार्ह ट्‌विट करून ते उपमुख्यमंत्री अजित पवार यांना टॅग केले होते. त्याचबरोबर त्याने दिवंगत माजी पंतप्रधान इंदिरा गांधी, कॉंग्रेसच्या पक्षाच्या अध्यक्षा सोनिया गांधी, राष्ट्रवादी कॉंग्रेसचे अध्यक्ष शरद पवार यांच्यासह शिवसेना, राष्ट्रवादी कॉंग्रेस व कॉंग्रेस पक्षाचे नेते, पदाधिकाऱ्यांविरुद्ध बदनामीकारक मजकूर ट्‌विटरवर प्रसिद्ध केला होता. तेवढ्यावरच न थांबता त्याने जाती-धर्मांमध्ये तेढ निर्माण होईल, अशा पद्धतीचे ट्‌विट केले आहे. गजरियाच्या ट्‌विटमुळे कार्यकर्त्यांच्या भावना दुखावल्या असून त्यातून तो द्वेष निर्माण करीत असल्याचे फिर्यादीमध्ये नमूद केले आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top