रोगप्रतिकारशक्तीसाठी ‘आरोग्य निर्भर किट’

पुणे, ता. ८ : रोगप्रतिकारशक्ती वाढविण्यासाठी आरोग्य निर्भर किट विकसित केल्याचा दावा संकल्प ह्यूमन रिसोर्स डेव्हलपमेंट कॉर्पोरेशनने केला आहे. यासंबंधी संस्थापक डॉ. पी. एन. कदम यांनी पत्रकार परिषदेत माहिती दिली. ते म्हणाले, ‘‘कोणत्याही आजारात रोगप्रतिकारशक्ती मजबूत असणे गरजेचे असते. रोगप्रतिकारशक्तीवर संशोधन करत आम्ही या किटची निर्मिती केली आहे. कोणत्याही प्रकारचे साइड इफेक्ट नसलेल्या या औषधांना आहाराबरोबरच घ्यायचे आहे. ही उपचार पद्धती मेडिकल न्युट्रिशिअन थेरपी म्हणून ओळखली जाते. पूरक आहार आणि आयुर्वेद यांचा हा एकत्रित आविष्कार आहे.’’ आपले शरीर आजाराला बळी पडू नये, यासाठी ‘विष द्रव्यांचे निर्मूलन’, ‘आहार हेच औषध’, ‘उत्साह हेच जीवनाचे रहस्य’, ‘नैसर्गिक प्रतिकार प्रतिकारशक्तीत वाढ’ ही चतु:सूत्री पाळल्यास तुम्ही आजाराला बळी पडण्याची शक्यता कमी असेल आणि बरे होण्याचा कालावधीदेखील कमी असतो, असे डॉ. कदम यांनी सांगितले.