प्राचीन वस्तू संकलन मोहिमेला मोठा प्रतिसाद

प्राचीन वस्तू संकलन मोहिमेला मोठा प्रतिसाद

पुणे, ता. १० ः देवादिकांच्या धातू, ‘पीओपी’च्या मूर्ती, पुतळे, देव्हारे, छाप, टाक, तसबिरी, जुन्या पोथ्या, धार्मिक ग्रंथ आदी वस्तूंच्या संकलनाला नुकताच मोठा प्रतिसाद मिळाला. त्यात सुमारे पाच टन सामान जमा झाले.

नगरसेविका माधुरी सहस्रबुद्धे यांनी गेल्यावर्षी जुलै आणि ऑक्टोबरमध्ये ही मोहीम आयोजित केली होती. त्यानंतर तिसऱ्यांदा ही मोहीम झाली. यात लोकांनी दत्तवाडी, टिळक रोड, धनकवडी, बावधन, पाषाण, कोथरूड, भुसारी कॉलनी, भूगाव, कर्वेनगर, वारजे, धायरी, वडगाव बुद्रुक, सनसिटी, सहकारनगर, बिबवेवाडी, पद्मावती, चिखली प्राधिकरण (चिंचवड), मुंढवा, यासह बार्शी व सोलापूरहून येऊनही लोकांनी सामान दिले.

देवदेवतांसंबंधित गोष्टी कुठे द्याव्यात? ही समस्या नागरिकांना मोठ्या प्रमाणात भेडसावते आहे, हे लक्षात घेऊन ही मोहीम आयोजित केली. त्यासाठी नाशिकच्या ‘संपूर्णम्’ संस्थेच्या सहकार्याने सहस्रबुद्धे यांनी या मोहिमेची सुरुवात केली. संपूर्णमच्या अॅड. तृप्ती गायकवाड यांनी या उपक्रमाला आवर्जून उपस्थिती लावली. माधवी केसकर, आशा होनवाड, मुकुंद गोरे, प्रज्ञा गोवईकर, प्रभा नेने, दीपाली बोरा, तृप्ती कुलकर्णी, वर्षा बरिदे, दामोदर पडवळ व रमण शहापुरे यांनी मोहिमेत भाग घेतला.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com