अंदाजपत्रकासाठी मुदतवाढीचा आयुक्तांचा स्थायीसमोर प्रस्ताव | Sakal
sakal

बोलून बातमी शोधा

अंदाजपत्रकासाठी मुदतवाढीचा 
आयुक्तांचा स्थायीसमोर प्रस्ताव
सिंहगड रस्ता परिसरात शहर शिवसेनेतर्फे आंदोलन

अंदाजपत्रकासाठी मुदतवाढीचा आयुक्तांचा स्थायीसमोर प्रस्ताव

sakal_logo
By

पुणे, ता. १० ः पुणे महापालिकेचे आगामी २०२२-२३ या आर्थिक वर्षाचे अंदाजपत्रक स्थायी समितीला सादर करण्यासाठी महापालिका आयुक्त विक्रम कुमार यांना उशीर लागणार आहे. निवडणुकीच्या कामामुळे १५ जानेवारी ऐवजी २२ फेब्रुवारी रोजी स्थायी समितीला अंदाजपत्रक सादर करण्याची परवानगी द्यावी असा प्रस्ताव स्थायीच्या मान्यतेसाठी पाठविण्यात आला आहे.
महाराष्ट्र महानगरपालिका अधिनियम कलम ९५ नुसार महानगरपालिकेचे महसुली, भांडवली उत्पन्न व खर्चाचे अंदाजपत्रक आराखडा (अ व क) अंदाजपत्रक १५ जानेवारी किंवा त्यापूर्वी स्थायी समितीमध्ये सादर होणे आवश्‍यक असते. त्यांनतर स्थायी समिती अध्यक्ष त्यांच्या योजनांचा त्यामध्ये समावेश करून अंदाजपत्रकात बदल करतात व हे अंदाजपत्रक मुख्य सभेत चर्चेसाठी सादर केले जाते. मुख्यसभेत हे अंदाजपत्रक ३१ मार्च पूर्वी मंजूर होणे आवश्‍यक असते. महापालिकेच्या यापूर्वीच्या कार्यपद्धतीनुसार २० मार्च पर्यंत पुढील वर्षाचे अंदाजपत्रक मंजूर केले जाते.
महापालिका आयुक्तांनी अंदाजपत्रक तयार करण्यासाठी प्रत्येक विभागाकडून माहिती मागवली आहे. १५ जानेवारीपर्यंत हे अंदाजपत्रक सादर होणे अपेक्षीत होते. पण महापालिका निवडणुकीच्या कामकाजामुळे वेळ वाढवून मागितला आहे. २२ फेब्रुवारीला सकाळी ११.३० वाजता अंदाजपत्रक सादर करण्याची परवानगी मागितली आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top