महिलांसाठी राज्यस्तरीय एकपात्री अभिनय स्पर्धेचे आयोजन

महिलांसाठी
एकपात्री स्पर्धा
पुणेः एकपात्री कलाकार परिषद, महाराष्ट्र आणि निळू फुले कला अकादमी यांच्यातर्फे श्यामल कुलकर्णी यांच्या स्मरणार्थ केवळ महिलांसाठीच्या राज्यस्तरीय ‘श्यामल करंडक एकपात्री अभिनय स्पर्धे’चे आयोजन करण्यात आले आहे. स्पर्धेची प्राथमिक फेरी १२ व १३ फेब्रुवारीला तर अंतिम फेरी २० फेब्रुवारीला होणार आहे, अशी माहिती एकपात्री कलाकार परिषदेचे अध्यक्ष दीपक रेगे यांनी पत्रकार परिषदेत दिली. यावेळी श्यामल कुलकर्णी यांच्या कन्या अनुजा कोल्हटकर, स्पर्धा संयोजक पल्लवी परब-भालेकर, एकपात्री कलाकार परिषदेचे मकरंद टिल्लू, दिलीप हल्याळ, चैताली माजगावकर-भंडारी, अनुपमा कुलकर्णी व निळू फुले कला अकादमीचे विश्वस्त सुरेश देशमुख उपस्थित होते. या स्पर्धेत १८ वर्षे वयावरील महिलांना सहभागी होता येणार आहे. स्पर्धेची प्रवेश शुल्क २०० रुपये असून ऑनलाइन फॉर्म भरण्यासाठी व स्पर्धेसंबधीच्या सविस्तर माहितीसाठी ९९६७५८२८२५ अथवा ९०११३४३५१३ क्रमांकावर संपर्क साधावा.