पीएमपीमधून एक लाखाचे गंठण लंपास | Sakal
sakal

बोलून बातमी शोधा

पीएमपीमधून एक लाखाचे गंठण लंपास
पीएमपीमधून एक लाखाचे गंठण लंपास

पीएमपीमधून एक लाखाचे गंठण लंपास

sakal_logo
By

पुणे, ता. ९ ः पीएमपी बसमधील चोरीच्या घटनांनी प्रवासी त्रस्त असताना बसमधून प्रवास करणाऱ्या एका महिलेच्या पर्समधील एक लाख रुपये किमतीचे सोन्याचे गंठण चोरल्याची घटना घडली आहे. शुक्रवारी सकाळी अकरा वाजता सहकारनगर परिसरात ही घटना घडली. या प्रकरणी पोलिसांत गुन्हा दाखल करण्यात आला आहे.

या प्रकरणी धनकवडी येथील ६४ वर्षीय महिलेने फिर्याद दिली आहे. पोलिसांनी दिलेल्या माहितीनुसार, फिर्यादी महिला शुक्रवारी सकाळी अकरा वाजता राव नर्सिंग होम ते बालाजीनगर दरम्यान पीएमपी बसमधून प्रवास करत होत्या. त्यावेळी बसमधील गर्दीचा फायदा घेऊन चोरट्यांनी फिर्यादीच्या पर्समधून एक लाख रुपये किमतीचे सोन्याचे गंठण चोरले. फिर्यादी बालाजीनगर येथील अहिल्यादेवी चौक येथे उतरल्या. त्यावेळी त्यांना पर्समधील दागिने चोरीला गेल्याचे निदर्शनास आले. त्यानंतर त्यांनी तत्काळ सहकारनगर पोलिस ठाण्यात फिर्याद दिली. या प्रकरणी पोलिसांकडून चोरट्यांचा शोध घेतला जात आहे. मागील काही दिवसांपासून शहरात बसमधून प्रवास करणाऱ्या प्रवाशांच्या पर्समधील दागिने, पैसे, मोबाईल, हातातील सोन्याच्या बांगड्या, गळ्यातील सोन्याची साखळी असे दागिने चोरीला जाण्याच्या घटना घडत आहेत. मात्र अजूनही पोलिसांना चोरट्यांना बेड्या ठोकता आलेल्या नाहीत.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top