मैलापाणी शुद्धीकरण प्रकल्पाचे आज नऱ्हेत भूमीपूजन | Sakal
sakal

बोलून बातमी शोधा

मैलापाणी शुद्धीकरण प्रकल्पाचे आज नऱ्हेत भूमीपूजन
मैलापाणी शुद्धीकरण प्रकल्पाचे आज नऱ्हेत भूमीपूजन

मैलापाणी शुद्धीकरण प्रकल्पाचे आज नऱ्हेत भूमीपूजन

sakal_logo
By

पुणे, ता. १२ : महापालिकेत समाविष्ट ११ गावांना मूलभूत सोयीसुविधा पुरवण्याच्या योजनेतील महत्त्वाचा भाग असणाऱ्या मैलावाहिनी आणि मैलापाणी शुद्धीकरण प्रकल्प उभारण्याच्या कामाचे भूमिपूजन उद्या (ता. १३) सकाळी ११ वाजता नऱ्हे गावात होणार आहे, अशी माहिती महापौर मुरलीधर मोहोळ यांनी दिली.
शिवणे, संपूर्ण उत्तमनगर, धायरी, आंबेगाव खुर्द, आंबेगाव बुद्रूक, उंड्री, उरुळी देवाची, फुरसुंगी, मुंढवा (उर्वरित केशवनगर), हडपसर (संपूर्ण साडेसतरानळी), लोहगाव आदी गावांचा यामध्ये समावेश असून मल:निसारण व्यवस्थेचा मास्टर प्लॅन या सर्व गावांसाठी महत्त्वाचा भाग ठरणार आहे.
मोहोळ म्हणाले, ‘‘समाविष्ट गावांसाठीची कामे चार वर्षांत राबविण्याचे नियोजन केले आहे. त्या अंतर्गत ११ गावांमध्ये १८२ किलोमीटर लांबीची मलवाहिनी विकसित करण्यात येत आहे. तसेच मुंढवा येथे १२ एमएलडी क्षमतेचा आणि मांजरी बुद्रूक येथे ९३.५ एमएलडी क्षमतेचे मैलापाणी शुद्धीकरण केंद्र बांधण्यात येत आहेत. यात मांजरी प्रकल्पास उरुळी देवाची, उंड्री, फुरसुंगी, मांजरी तर मुंढवा प्रकल्पास केशवनगर, साडेसतरानळी, हडपसर (उर्वरित) हा भाग जोडला जाणार आहे.’’

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top