मास्कसह सॅनिटायझरच्या मागणीत वाढ | Sakal
sakal

बोलून बातमी शोधा

मास्कसह सॅनिटायझरच्या मागणीत वाढ
मास्कसह सॅनिटायझरच्या मागणीत वाढ

मास्कसह सॅनिटायझरच्या मागणीत वाढ

sakal_logo
By

पुणे/ स्वारगेट, ता. १३ : शहरात कोरोना रुग्णांच्या संख्येत वाढ होत आहे. त्यामुळे संसर्गापासून बचाव होण्यासाठी ‘एन ९५’, सर्जिकल, ‘थ्री डी’ मास्कसह सॅनिटायझरच्या मागणीत वाढ झाली आहे
कोरोनाने पुन्हा शहरात थैमान घातल्याने तसेच मास्क न घातल्यास दंडही आकारला जात असल्याने नागरिकांनी मास्क खरेदीसाठी गर्दी केली आहे. मास्क वापरताना ग्राहकांनी ‘युज अँड थ्रो’ असणाऱ्या सर्जिकल मास्कला मोठ्या प्रमाणात पसंती दिली आहे. या सर्जिकल मास्कचे ‘टू प्लाय’, थ्री प्लाय’ असे प्रकार पडतात. त्याचबरोबर नागरिकांनी ‘एन ९५’, हा मास्क सुरक्षिततेच्या दृष्टीने महत्त्वाचा असल्याने त्याचबरोबर कपड्याच्या मॅचिंग नुसार मास्क घालायचा असा बाजारात ट्रेंड आल्याने या मास्कमध्ये वेगवेगळे रंग व आकार उपलब्ध झाल्याने नागरिकांनी हा मास्क खरेदी करण्यास पसंती दिली आहे.
मास्कच्यासह नागरिकांनी फ्लेवर सॅनिटायझर खरेदी करण्यास पसंती दिली आहे. यामध्ये ऑरेंज, स्ट्रॉबेरी, जापनीज चेरी ब्लॉसम, एप्पल,असे फ्लेवर खरेदी करतात.

लेयर नसणारे ‘डुप्लिकेट मास्क’ बाजारात
अनेक स्थानिक कंपन्या मार्केटमध्ये आल्याने नफा कमावण्याच्या नादात मास्कच्या गुणवत्तेला बाजूला सारले जाते. मास्कच्या आतमध्ये असणारे लेयर महत्त्वाचे असतात यामध्ये थ्री प्लाय’ म्हणून, मास्कच्या आतमध्ये लेयर नसणारे ‘डुप्लिकेट मास्क’ बाजारात विकले जातात. यामध्ये नागरिकांची सुरक्षितता पणाला लावली जाते.

गेल्या महिन्यापासून मास्कच्या मागणीचा जोर वाढला आहे. यामध्ये सर्जिकल मास्कला मोठ्या प्रमाणात मागणी आहे. नागरिकांनी मास्क खरेदी करताना त्या मास्कची गुणवत्ता तपासूनच तो मास्क खरेदी करावा.
- जुगल किशोर तापडिया, औषध विक्रेता

मास्कच्या किमती नियंत्रित केल्यामुळे ‘एन ९५’ मास्कची किंमत दीड ते दोन वर्षांपूर्वीच्या तुलनेत खूप कमी झाली आहे. त्यामुळे सर्वसामान्य नागरिकांच्या आवाक्यात हा मास्क आला आहे. या मास्कमुळे सुरक्षितता अधिक मिळत असल्याने या प्रकारचा मास्क खरेदी करण्याचा कल ग्राहकांचा दिसतो.
-अनुप गुजर, औषध विक्रेता

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top