किशोरवयीन मुलांसाठी १७९ केंद्रावर लस उपलब्ध | Sakal
sakal

बोलून बातमी शोधा

किशोरवयीन मुलांसाठी 
१७९ केंद्रावर लस उपलब्ध
किशोरवयीन मुलांसाठी १७९ केंद्रावर लस उपलब्ध

किशोरवयीन मुलांसाठी १७९ केंद्रावर लस उपलब्ध

sakal_logo
By

पुणे, ता. ७ : शहरातील १५ ते १८ वर्षे वयोगटातील मुला-मुलींसाठी आता १७९ केंद्रांवर लस उपलब्ध करण्याचा महत्त्वाचा निर्णय घेतला आहे. त्यामुळे या वयोगटातील प्रत्येक मुलांना लवकर लस मिळेल, अशी व्यवस्था उभारली आहे.

शहरात तीन जानेवारीपासून ४० केंद्रांवर किशोरवयीन मुलांचे लसीकरण सुरू झाले आहे. आतापर्यंत १९ हजार मुलांनी लस घेतली आहे. या लसीकरणाचा वेग वाढविण्यासाठी लसीकरण केंद्रांची संख्या वाढविली आहे. महापालिका आयुक्त विक्रम कुमार यांच्या सूचनेनुसार ही संख्या वाढविली आहे. आतापर्यंत दररोज तीन ते चार हजार जणांना लशीचा पहिला डोस देण्यात येत होता. शुक्रवारी संध्याकाळपर्यंत सहा हजार ४३ मुलांनी कोरोना प्रतिबंधक लस घेतली.
या बाबत माहिती देताना शहर लसीकरण अधिकारी डॉ. सूर्यकांत देवकर म्हणाले, ‘‘शहरात कोरोनाच्या रुग्णांची संख्या वाढत असल्याने १५ ते १८ वर्षे वयोगटातील सर्व मुला-मुलींनी तातडीने लशीचा पहिला डोस घ्यावा. या सर्व मुलांना कोव्हॅक्सिन लशीचा डोस देण्यात येत आहे. या सर्व केंद्रांवर ५० टक्के लस ‘ऑनलाइन’ नोंदणी करून आणि ५० टक्के लस ‘ऑन दि स्पॉट’ जागेवर जाऊन घेता येणार आहे. ही लस सुरक्षित आहे. त्यामुळे प्रत्येक पात्र मुला-मुलींनी ही लस घ्यावी.’’

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top