अपघातात जखमी झालेल्या दुचाकीस्वाराचा मृत्यू

पुणे, ता. १५ : भरधाव रिक्षाने जोरात धडक दिल्यामुळे झालेल्या अपघातात गंभीर जखमी झाल्याने दुचाकीस्वाराचा मृत्यू झाला. तर दुचाकीस्वाराची मुलगी या अपघातात गंभीर जखमी झाली आहे. ही घटना ९ जानेवारीला सायंकाळी लोणी काळभोर येथे घडली. दत्तात्रेय मारुती कोल्हे (वय ४२, रा. कोरेगाव मूळ, हवेली) असे अपघातात मृत्यू झालेल्याचे नाव आहे. या अपघातामध्ये दुचाकीस्वाराची १३ वर्षांची मुलगी गंभीर जखमी झाली असून, तिच्यावर रुग्णालयात उपचार सुरू आहेत. याप्रकरणी पोलिसांकडून अनोळखी रिक्षाचालकाविरुद्ध गुन्हा दाखल केला आहे. याप्रकरणी कोल्हे यांच्या पती अर्चना कोल्हे यांनी लोणी काळभोर पोलिस ठाण्यात फिर्याद दिली आहे.
दुचाकीस्वार कोल्हे व त्यांची १३ वर्षांची मुलगी असे दोघेजण दुचाकीवरून लोणी काळभोर परिसरातील प्रयागधाम रस्त्याने निघाले होते. त्यावेळी समोरून भरधाव आलेल्या रिक्षाने त्यांच्या दुचाकीला धडक दिली होती.