अ‍ॅड. गुणरत्न सदावर्ते यांचा अटकपुर्व जामीन अर्ज फेटाळला | Sakal
sakal

बोलून बातमी शोधा

Gunratna Sadavarte
कॅन्डल मार्चने मृत कर्मचाऱ्यांना श्रध्दांजली

अ‍ॅड. गुणरत्न सदावर्ते यांचा अटकपुर्व जामीन अर्ज फेटाळला

पुणे : महापुरुषांच्या वंशजांबद्दल आक्षेपार्ह विधान करून जातीय तेढ निर्माण करण्याचा प्रयत्न केल्याप्रकरणी अ‍ॅड. गुणरत्न सदावर्ते (Gunratna Sadavarte) यांचा अटकपूर्व जामीन अर्ज शुक्रवारी न्यायालयाने फेटाळला. अ‍ॅड. सदावर्ते यांच्या ७ ऑक्टोबर रोजी प्रसारित झालेल्या एका व्हीडिओमध्ये त्यांनी आक्षेपार्ह वक्तव्य केले होते. या प्रकरणी अमर पवार (वय ३५, रा. भारती विद्यापीठ) यांनी भारती विद्यापीठ पोलिस ठाण्यात फिर्याद दिली होती.

त्यामध्ये अ‍ॅड. सदावर्ते यांनी महापुरुषांच्या वंशजांचा एकेरी उल्लेख केला, तसेच विशिष्ट समाजाचा अपमान होईल, जाती-धर्मामध्ये तेढ निर्माण होईल, असे वक्तव्य केल्याने समाजाच्या भावना दुखावल्याचे फिर्यादीत म्हटले होते. दरम्यान, या प्रकरणात अटकपूर्व जामीन मिळावा, यासाठी सदावर्ते यांच्यावतीने न्यायालयात अर्ज दाखल करण्यात आला होता. अतिरिक्त सरकारी वकील जावेद खान यांनी त्यास विरोध केला. त्यांचा अटकपूर्व जामीन फेटाळण्यात यावा, अशी विनंती केली. अतिरिक्त सत्र न्यायाधीश ए. व्ही. रोट्टे यांनी जामीन फेटाळल्याचा आदेश दिला.

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top