हजूरपागा प्रशालेत ‘अध्ययन समस्या समजून घेताना...’ शिबिराचे आयोजन | Sakal
sakal

बोलून बातमी शोधा

हजूरपागा प्रशालेत ‘अध्ययन समस्या समजून घेताना...’ शिबिराचे आयोजन
हजूरपागा प्रशालेत ‘अध्ययन समस्या समजून घेताना...’ शिबिराचे आयोजन

हजूरपागा प्रशालेत ‘अध्ययन समस्या समजून घेताना...’ शिबिराचे आयोजन

sakal_logo
By

हुजूरपागा प्रशालेत
शिबिराचे आयोजन

पुणे, ता. ९ : ‘‘शाळेमध्ये काही विद्यार्थी शांत असतात, काही अस्थिर असतात, काहींच्या बोलण्यांमध्ये चमक जाणवते. प्रत्येक मूल ओळखण्यासाठी ते अनेक अनुभवामधून वाचायला शिकले पाहिजे. काही विद्यार्थ्यांना काही विषयांमध्ये अध्ययनात अडचणी येताना दिसतात. त्या कारणांचा शोध घेण्याच्या प्रक्रियेत मुलांचे चेहरे वाचून त्यांच्या मनातील ओळखण्याचा प्रयत्न शिक्षकांनी करायला हवा,’’ असा सल्ला तज्ञांनी शिक्षकांना दिला.

महाराष्ट्र गर्ल्स एज्युकेशन सोसायटी हुजूरपागा विद्या विकास व्यासपीठातर्फे ‘अध्ययन समस्या समजून घेताना...’ विषयावर डॉ. शांता वैद्य मेमोरिअल फाउंडेशनच्या उमा पळसुले यांनी तीन दिवसीय शिबिर घेतले. यावेळी संस्थेच्या मुख्य विश्वस्त जयश्री बापट, अध्यक्षा रेखा पळशीकर, हिमानी गोखले, शालिनी पाटील, विनया देशपांडे, डॉ. सुषमा केसकर, वर्षा गजेंद्रगडकर, डॉ. अरुणा भांबरे, अरुणा तिवारी आदी उपस्थित होते.

पळसुले म्हणाल्या, ‘‘प्रत्येक विद्यार्थी वेगळा असतो. शिक्षकांना विद्यार्थ्यांची निरीक्षणे करून त्यांच्या मनातील भाव टिपणे ही गोष्ट जमली पाहिजे. विविध नावीन्यपूर्ण खेळातून विद्यार्थ्यांच्या जवळ जाण्याचा प्रयत्न शिक्षकांनी करायला हवा.’’ अध्ययन करताना विद्यार्थ्यांना येणाऱ्या अडचणी आपण कशा शोधायला हव्या, याकरिता आयोजित शिबिरात वेगळा दृष्टिकोन समोर आल्याचे पळशीकर यांनी सांगितले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top