महाआरोग्य फिल्म फेस्टिव्हल

पुणे, ता. २४ ः आरोग्याबद्दल जनजागृती वाढावी म्हणून सार्वजनिक आरोग्य विभागाने महाआरोग्य फिल्म फेस्टिव्हल स्पर्धेचे आयोजन केले आहे. यासाठी राज्यभरातून लघुचित्रपट मागविण्यात येत असून, अंतिम मुदत ७ मार्चपर्यंत दिली आहे. सर्वांसाठी खुल्या असलेल्या या स्पर्धेसाठी एक मिनिटांचा व्हिडिओ स्पॉट किंवा १० मिनिटांचा लघुपट पाठविता येणार आहे. iecmaff22@gmail.com या ई-मेलवर व्हिडिओ तपशिलासह पाठवावा, असे आवाहन आरोग्य विभागाने केले आहे.

भौगोलिक विकास आराखड्यासाठी कार्यशाळा
पुणे ः भारती विद्यापीठ वास्तुशास्त्र महाविद्यालयाने भौगोलिक विकास आराखडा तयार करण्यासाठी कार्यशाळेचे आयोजन केले होते. केंद्र सरकारच्या वतीने जुन्नर तालुक्यातील राजुरी गावाची पथदर्शी प्रकल्पांतर्गत निवड केली आहे. त्यानिमित्त महाविद्यालयाने ही कार्यशाळा आयोजिली होती. या कार्यशाळेला माजी सभापती दीपक आवटे, सुदाम औटी उपस्थित होते. या अंतर्गत प्राध्यापकांनी गावास भेट देऊन माहितीचे संकलन केले असून, यावर विविध गटचर्चा आयोजित केल्या होत्या.