रेल्वे प्रवासात धुम्रपान करणाऱ्या १६० जणांवर कारवाई

पुणे, ता. २६ ः मध्य रेल्वे प्रवाशांना सुरक्षित आणि उत्तम प्रवास सेवा देण्याचा प्रयत्न करते. रेल्वे प्रवासादरम्यान धूम्रपान करण्यास मनाई आहे. मध्य रेल्वेच्या मुंबई, पुणे, सोलापूर, भुसावळ आणि नागपूर विभागात धूम्रपान विरोधी सुरक्षा मोहीम सुरू केली असून दोन दिवसात १६० व्यक्तींवर कारवाई केली आहे. त्यांच्याकडून २९ हजार ७०० रुपयांचा दंड वसूल केला आहे, असे मध्य रेल्वेने सांगितले. प्रवाशांनी रेल्वे आवारात आणि गाड्यांमध्ये धूम्रपान न करता स्वतःसह इतर प्रवाशांसाठी सुरक्षित प्रवास करावा, असे आवाहन रेल्वेने केले आहे.