पुणे जिल्हा मध्यवर्ती सहकारी बॅंकेची आज मतमोजणी | Sakal
sakal

बोलून बातमी शोधा

PDCC Bank
पुणे जिल्हा मध्यवर्ती सहकारी बॅंकेची आज मतमोजणी

पुणे जिल्हा मध्यवर्ती सहकारी बॅंकेची आज मतमोजणी

पुणे : पुणे जिल्हा मध्यवर्ती सहकारी बॅंकेच्या (pune district central cooperative bank) संचालक मंडळाच्या २१ पैकी सात जागांची मतमोजणी येत्या मंगळवारी (ता.४) सकाळी नऊ वाजल्यापासून पुण्यात केली जाणार आहे. या सात जागांसाठी १४ उमेदवार आपापले नशीब अजमावत आहेत. पुणे शहरातील लष्कर परिसरातील अल्पबचत भवनात ही मतमोजणी केली जाणार आहे. उद्या दुपारी एक वाजेपर्यंत सर्व निकाल (pdcc bank result)हाती येतील, अशी शक्यता वर्तविली आहे.

उपमुख्यमंत्री अजित पवार(ajit pawar), गृहमंत्री दिलीप वळसे-पाटील(dilip walse patil), बांधकाम राज्यमंत्री दत्तात्रेय भरणे हे तीन मंत्री, संग्राम थोपटे, संजय जगताप आणि दिलीप मोहिते-पाटील हे तीन आमदार आणि बॅंकेचे विद्यमान अध्यक्ष रमेश थोरात आदींसह १४ जण आधीच बिनविरोध झाले आहेत. या सर्वांच्या निवडीची उद्या अधिकृत घोषणा होणार आहे.

हेही वाचा: पुणे जिल्हा बॅंकेची इंदापूर तालुक्याची निवडणूक चुरशीची की बिनविरोध?

जिल्हा बॅंकेच्या संचालक मंडळाच्या एकूण २१ जागा आहेत. यामध्ये प्रत्येक तालुक्यातून प्रत्येकी एक, याप्रमाणे १३ तालुकास्तरीय ‘अ’ वर्ग मतदारसंघ आहेत. या १३ पैकी १० जागा बिनविरोध झालेल्या आहेत. केवळ शिरूर, हवेली आणि मुळशी या तीन तालुक्यातील ‘अ’ वर्ग मतदारसंघासाठी मतदान झालेले आहे. याशिवाय ‘क’ आणि ‘ड’ या दोन मतदारसंघातील प्रत्येकी एक, याप्रमाणे दोन आणि महिला राखीव मतदारसंघातील दोन जागा अशा एकूण सात जागांसाठीची मतमोजणी केली जाणार आहे.

जिल्हा बॅंकेसाठी दौंड तालुक्यात एकूण २७८ मतदार आहेत. यापैकी काही मयत झालेले आहेत. त्यामुळे उर्वरित सर्वच्या सर्व २६२ मतदारांनी या निवडणुकीत मतदानाचा हक्क बजावला आहे. दौंड हा १०० टक्के मतदान झालेला जिल्ह्यातील एकमेव तालुका असल्याचे या बॅंकेचे अध्यक्ष आणि दौंड तालुक्यातून सलग आठव्यांदा बॅंकेवर निवडून आलेले ज्येष्ठ संचालक रमेश थोरात यांनी सोमवारी (ता.३) सांगितले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top