नोकरीच्या आमिषाने तरुणीवर अत्याचार

पुणे : नोकरी लावण्याचे आमिष दाखवून एका तरुणाने २४ वर्षीय तरुणीवर लैंगिक अत्याचार केल्याची घटना समोर आली आहे. हा प्रकार २२ एप्रिल रोजी रात्री घडला. याप्रकरणी पीडित तरुणीने विमानतळ पोलिस ठाण्यात फिर्याद दिली. त्यानुसार संतोष संभाजी केंद्रे (वय ३०, रा. लोहगाव) याच्याविरुद्ध गुन्हा दाखल झाला. संतोष याने फिर्यादी तरुणीला नोकरी देण्याचे आमिष दाखविले. तसेच, तिला भाडेतत्त्वावर खोली दाखविण्याच्या बहाण्याने घरी नेले. तेथे त्याने रात्री तिच्याशी जबरदस्तीने शारीरिक संबंध ठेवून व्हिडिओ क्लिप तयार केली. ही बाब कोणाला सांगितल्यास क्लिप व्हायरल करण्याची धमकी दिली. परंतु, तरुणीने धमकीला न घाबरता पोलिस ठाणे गाठून त्याच्याविरोधात फिर्याद दिली.