अवकाळी पावसासह उष्णतेचा इशारा | Sakal
sakal

बोलून बातमी शोधा

अवकाळी पावसासह उष्णतेचा इशारा
अवकाळी पावसासह उष्णतेचा इशारा

अवकाळी पावसासह उष्णतेचा इशारा

sakal_logo
By

पुणे, ता. २४ ः राज्यातील काही ठिकाणी विजांच्या कडकडाटासह पाऊस पडत असताना आता मध्य महाराष्ट्र आणि विदर्भातील तुरळक ठिकाणी उष्णतेच्या लाटेचा इशारा हवामानशास्त्र विभागाने दिला आहे. तर सोमवारी (ता. २५) कोकण, मध्य महाराष्ट्रासह मराठवाड्यात विजांच्या कडकडाटात पावसाची शक्यता आहे. तसेच मध्य महाराष्ट्रातील तुरळक ठिकाणी उष्णतेच्या लाट येण्याची शक्यता वर्तविण्यात आली आहे.
रविवारी सकाळपर्यंतच्या २४ तासांमध्ये कोकण, मध्य महाराष्ट्र आणि मराठवाड्यातील काही ठिकाणी मेघगर्जनेसह पावसाने हजेरी लावली होती. राज्यातील सर्वाधिक कमाल तापमानाची नोंद वर्धा येथे ४२.५ अंश सेल्सिअस इतकी झाली. कमाल तापमानातही चढ-उतार कायम आहे. ढगाळ वातावरण आणि पावसामुळे राज्यात ४५ अंशांच्या घरात पोचलेले कमाल तापमान खाली घसरले असून विदर्भात मात्र पारा ४० ते ४२ अंशांच्या दरम्‍यान आहे. विदर्भ वगळता उर्वरित राज्यातील बऱ्याच ठिकाणी कमाल तापमानात सरासरीपेक्षा २ ते ७ अंशांनी घट पाहायला मिळत आहे.
सध्या नैऋत्य मध्यप्रदेश व परिसरावर चक्राकार वाऱ्यांची स्थिती सक्रिय असून यामुळे मध्य प्रदेश, विदर्भ, मराठवाडा ते उत्तर कर्नाटकपर्यंत हवेचा प्रवाह खंडित झाला आहे. परिणामी राज्यात पावसासाठी हवामान अनुकूल झाले आहे. हवामानशास्त्र विभागाने दिलेल्या माहितीनुसार पुढील चार दिवस मध्य महाराष्ट्र, कोकणात पावसाची शक्यता आहे. तसेच मध्य महाराष्ट्रात सोमवारपासून (ता. २५) तर, विदर्भात मंगळवारपासून (ता. २६) तुरळक भागात उष्णतेची लाट येऊ शकते.

येथे मेघगर्जनेसह पावसाची शक्यता
सोमवार (ता. २५) ः नगर, पुणे, रायगड, रत्नागिरी, कोल्हापूर, सांगली, सोलापूर, सातारा, उस्मानाबाद, लातूर
मंगळवार (ता. २६) ः सातारा, रत्नागिरी, सांगली, कोल्हापूर, उस्मानाबाद, नांदेड, लातूर,
बुधवार (ता. २७) ः बीड, लातूर, सोलापूर, सांगली, सातारा, कोल्हापूर, नांदेड, परभणी
गुरुवार (ता. २८) ः सातारा, सांगली, सोलापूर

उष्णतेच्या लाटेचा इशारा
सोमवार (ता. २५) ः जळगाव
मंगळवार (ता. २६) ः नगर, जळगाव, बुलडाणा, अकोला
बुधवार (ता. २७) ः जळगाव, नगर, बुलडाणा, अकोला, यवतमाळ, चंद्रपूर, गडचिरोली
गुरुवार (ता. २८) ः जळगाव, नगर, बुलडाणा, यवतमाळ, अकोला, चंद्रपूर, गडचिरोली

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top