‘तू छेड सखी सरगम’मध्ये सदाबहार गीतांचे सादरीकरण | Sakal
sakal

बोलून बातमी शोधा

‘तू छेड सखी सरगम’मध्ये
सदाबहार गीतांचे सादरीकरण
‘तू छेड सखी सरगम’मध्ये सदाबहार गीतांचे सादरीकरण

‘तू छेड सखी सरगम’मध्ये सदाबहार गीतांचे सादरीकरण

sakal_logo
By

पुणे, ता. ९ ः यमन, बागेश्री, भीमपलास, भैरवी या रागांवर आधारित ‘अलबेला सजन’, ‘शुक्रतारा मंदवारा’, ‘लागा चुनरी में दाग’ या सदाबहार गीतांनी रसिक नुकतेच मंत्रमुग्ध झाले. निमित्त होते, भारतीय विद्या भवन आणि इन्फोसिस फाउंडेशनच्या सांस्कृतिक प्रसार कार्यक्रमांतर्गत आयोजित ‘तू छेड सखी सरगम’ या कार्यक्रमाचे.
सरदार महादेव बळवंत नातू सभागृहात झालेल्या या कार्यक्रमात राग संगीतावर आधारित लोकप्रिय गाण्यांचे सादरीकरण केले. अहिर भैरव रागातील ‘अलबेला सजन’, ‘माझिया मना’, राग बागेश्रीतील ‘येथोनी आनंदू’, ‘राधा ना बोले, ना बोले’, भीमपलास रागातील ‘जय शारदे वागेश्वरी’, ‘नयनों में बदरा छाये’ आणि यमन रागातील ‘समाधी साधन’, ‘आज जाने की जिद ना करो’ आदी गीतांना रसिकांची दाद मिळाली. भैरवी रागातील गाण्यांनी समारोप केला. कार्यक्रमाची संकल्पना, संहिता आणि निवेदन सुप्रिया चित्राव यांचे होते. श्रुती देवस्थळी, अभिजित पंचभाई यांनी गीते सादर केली. विनीत तिकोनकर यांनी तबल्यावर, प्रसन्न बाम यांनी संवादिनीवर तर धनंजय साळुंके यांनी तालवाद्यावर साथसंगत केली.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top