तरुणींकडून वेश्‍याव्यवसाय करून घेणाऱ्या स्पा मालकास अटक

पुणे, ता. २५ ः तरुणींना पैशांचे आमिष दाखवून त्यांच्याकडून वेश्‍याव्यवसाय करून घेणाऱ्या एका स्पा सलूनच्या मालकास गुन्हे शाखेच्या सामाजिक सुरक्षा विभागाच्या पथकाने अटक केले. मनीष सुरेशचंद मुथा (वय ५०, रा. कोंढवा खुर्द) असे अटक केलेल्याचे नाव आहे. सामाजिक सुरक्षा विभागाच्या पथकाने काही दिवसांपूर्वी ‘ऑरा स्पा सलून’वर कारवाई केली होती. त्यावेळी तरुणींना पैशाचे आमिष दाखवून त्यांच्याकडून वेश्‍याव्यवसाय करून घेतला जात असल्याचे निष्पन्न झाले होते. त्यानुसार, पोलिसांकडून तरुणींची सुटका करून काही जणांना अटक केली होती. दरम्यान, या संबंधित स्पाचा भागीदार असलेला मनीष मुथा हा एका गुन्ह्यात यापूर्वीच येरवडा कारागृहात असल्याची माहिती पोलिसांना मिळाली. त्यानुसार, पोलिसांनी त्यास चतुःशृंगी पोलिस ठाण्यात दाखल एका गुन्ह्यामध्ये त्यास अटक करण्याबाबतचा अर्ज न्यायालयाकडे केला. त्यानुसार, न्यायालयाने त्यास परवानगी दिली.