संतोष जगताप खून प्रकरणात सहा जणांना मोक्का कोठडी | Sakal
sakal

बोलून बातमी शोधा

संतोष जगताप खून प्रकरणात सहा जणांना मोक्का कोठडी
संतोष जगताप खून प्रकरणात सहा जणांना मोक्का कोठडी

संतोष जगताप खून प्रकरणात सहा जणांना मोक्का कोठडी

sakal_logo
By

पुणे, ता. ४ : वाळू व्यावसायिक असलेला सरार्इत गुन्हेगार संतोष जगताप याच्या खून प्रकरणात न्यायालयाने सहा जणांना सात जानेवारीपर्यंत मोक्का कोठडीमध्ये ठेवण्याचा आदेश दिला. विशेष न्यायाधीश ए. एन. शिरसीकर यांनी हा आदेश दिला.
पवन ऊर्फ प्रशांत गोरख मिसाळ (वय २९), महादेव बाळासाहेब आदलिंगे (वय २८), उमेश सोपान सोनवणे (वय ३५), अभिजित अर्जुन यादव (वय २२), बाळू जगन्नाथ वाघमोडे (वय २८), महेश भाऊसाहेब सोनवणे (वय २८) अशी मोक्का कोठडी सुनावण्यात आलेल्यांची नावे आहेत. संतोष संपत जगताप (वय ३६) आणि त्याचा बॉडीगार्ड मोनुसिंग अरुणकुमार सिंग (वय ३४) यांचा २२ ऑक्टोबर २०२१ रोजी दुपारी अडीच वाजता उरुळी कांचन येथील सोनाई हॉटेल समोर गोळ्या घालून खून करण्यात आला होता. आरोपी उमेश सोनवणे आणि संतोष जगताप या दोघांमध्ये वाळू व्यावसायावरून वाद होते. त्यातून हा गोळीबार आणि खून झाला होता. आरोपींवर महाराष्ट्र संघटित गुन्हेगारी नियंत्रण (मोक्का) अंतर्गत गुन्हा दाखल करण्यात आला असून, त्याबाबत त्यांच्याकडे तपास करायचा आहे. त्यांचे आणखी साथीदार व गुन्ह्यात वापरलेली बंदूक शोधण्यासाठी मोक्का कोठडी देण्याची मागणी विशेष सरकारी वकील प्रमोद बोंबटकर यांनी केली.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top