डेक्कन परिसरात ‘मान्यवरांची मांदियाळी’! अनिल दांडेकर यांचा अभिनव उपक्रम; दोन भारतरत्न, तीन पद्मविभूषण तर १० पद्मश्री यांचे वास्तव्य | Sakal
sakal

बोलून बातमी शोधा

डेक्कन परिसरात ‘मान्यवरांची मांदियाळी’!

अनिल दांडेकर यांचा अभिनव उपक्रम; दोन भारतरत्न, तीन पद्मविभूषण तर १० पद्मश्री यांचे वास्तव्य
डेक्कन परिसरात ‘मान्यवरांची मांदियाळी’! अनिल दांडेकर यांचा अभिनव उपक्रम; दोन भारतरत्न, तीन पद्मविभूषण तर १० पद्मश्री यांचे वास्तव्य

डेक्कन परिसरात ‘मान्यवरांची मांदियाळी’! अनिल दांडेकर यांचा अभिनव उपक्रम; दोन भारतरत्न, तीन पद्मविभूषण तर १० पद्मश्री यांचे वास्तव्य

sakal_logo
By

पुणे, ता. १ : पुणे हे विद्येचे माहेरघर समजले जाते व डेक्कन परिसरातील प्रभात, भांडारकर, कर्वे रस्ता भागांत मान्यवरांची मांदियाळी असल्याचे मानले जाते. येथे दोन भारतरत्न, तीन पद्मविभूषण आणि १० पद्मश्री सन्मान मिळविलेल्या दिग्गजांचे वास्तव्य आहे. या शिवाय जगभरात नावाजलेल्या संस्थाही याच भागात कार्यरत आहेत. ही माहिती अनिल दांडेकर यांनी संकलित केली असून, या संदर्भात त्यांनी ‘डायमंडस् ऑफ डेक्कन जिमखाना’ नावाचे पुस्तक लिहिले आहे.

‘‘मी भांडारकर रस्ता परिसरात १९५० पासून राहात आहे. येथील अनेक गोष्टी इतिहासजमा होत असल्याचे लक्षात आले व मन विषण्ण झाले. मुळात संशोधक वृत्ती असल्याने वेगळे काहीतरी करायचा ध्यास लागला. त्यातूनच या पुस्तकाची संकल्पना मनात आली. डेक्कन परिसरातील प्रभात, भांडारकर, आघारकर, घोले, सेनापती बापट रस्ता आणि मॉडेल कॉलनी, चतुःश्रृंगी परिसरात अनेक दिग्गज व्यक्ती राहत असल्याचे माहीत होते. नवीन पिढीला त्याची फारशी कल्पना नाही. या परिसरात जगभरातील नावाजलेल्या संस्थाही कार्यरत आहेत. त्यांची माहितीही संकलित केली. पुण्याच्या अन्य भागांतही दिग्गजांचे वास्तव्य आहे. या लिखाणातून पुण्याचा सांस्कृतिक खजिना शोधून लिखाणाला प्रेरणा मिळावी हा लेखनाचा हेतू आहे,’’ असे दांडेकर यांनी पुस्तकाच्या निर्मितीबद्दल बोलताना स्पष्ट केले.

पुस्तकाचे प्रकाशन शनिवारी (ता. २) सायंकाळी ४.३० वाजता, भांडारकर प्राच्यविद्या संस्थेच्या फिरोदिया ऑडिटोरिअम येथे राजहंस प्रकाशनचे मुख्य संपादक डॉ. सदानंद बोरसे यांच्या हस्ते होईल. कार्यक्रमाला प्रमुख पाहुणे म्हणून दिलीपराज प्रकाशनचे राजीव बर्वे, स्वानंद प्रकाशनचे संजय भंडारे, ‘सकाळ’चे सहसंपादक निरंजन आगाशे उपस्थित राहणार आहेत. या वेळी डॉ. मंदार परांजपे प्रकट मुलाखत घेणार आहेत.

पुस्तकाची वैशिष्ट्ये
- डेक्कन जिमखाना परिसरातील जागतिक कीर्तीच्या १०१ व्यक्तींच्या कार्यकर्तृत्वाची माहिती
- दोन भारतरत्न, तीन पद्मविभूषण, १० पद्मश्री सन्मानप्राप्त व्यक्ती
- वाङ्मय, कला, विज्ञान, क्रीडा, सामाजिक, लष्कर आदी २५ क्षेत्रांतील उत्तुंग व्यक्तिमत्त्वांचा परिचय
- जागतिक दर्जाच्या गुणवत्तापूर्ण शैक्षणिक, सांस्कृतिक संस्थांची माहिती

अनिल दांडेकर - ५३५१०

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top