प्रवासाविषयी माहिती देतोय ‘बिरबल’! मध्य रेल्वेच्या १० गाड्यांमध्ये सुविधा | Sakal
sakal

बोलून बातमी शोधा

प्रवासाविषयी माहिती देतोय ‘बिरबल’! 

मध्य रेल्वेच्या १० गाड्यांमध्ये सुविधा
प्रवासाविषयी माहिती देतोय ‘बिरबल’! मध्य रेल्वेच्या १० गाड्यांमध्ये सुविधा

प्रवासाविषयी माहिती देतोय ‘बिरबल’! मध्य रेल्वेच्या १० गाड्यांमध्ये सुविधा

sakal_logo
By

पुणे, ता २० : रेल्वे प्रवास अधिक मनोरंजक आणि माहितीपूर्ण होण्यासाठी आता रेल्वेतच तुम्हाला ‘बिरबल’ भेटणार आहे. हा ‘बिरबल’ तुम्हाला प्रवासात आढळणाऱ्या महत्त्वाच्या स्थळांची माहिती, वैशिष्ट्ये या शिवाय रेल्वे प्रवासात महत्त्वाचे ठरणारे क्रमांक सांगणार आहे. तसेच प्रवासात कंटाळा आला, तर तुमच्या सोबत गेमदेखील खेळणार आहे. ही सुविधा पुण्याहून सुटणाऱ्या केवळ दोन रेल्वेत सुरू करण्यात आली असून, यामध्ये डेक्कन क्वीन व इंद्रायणी एक्स्प्रेसचा समावेश आहे. रेल्वे प्रशासनाने प्रवाशांचा प्रवास माहितीपूर्वक व मनोरंजनात्मक व्हावा याकरिता १० निवडक रेल्वेत ‘कन्व्हर्सेशन ऑन द मूव्ह’ ही सुविधा सुरू केली आहे. त्यामुळे प्रवाशांना प्रवासाचा वेगळा अनुभव मिळणार आहे.

कशी मिळवाल ही सुविधा
डब्यांत ‘ट्रॅव्हल विथ बिरबल’चे पोस्टर लावले आहेत. त्यावर क्यूआर कोड दिला आहे. तो मोबाईलवर स्कॅन केल्यांनतर मोबाईल चॅट बॉक्स खुला होईल. त्यावर विविध विंडो खुल्या होतील. त्यात आपल्याला हव्या असणाऱ्या विंडोवर जाऊन आपण विविध माहिती मोफत घेऊ शकतो.

कसा असेल ‘बिरबल’चा प्रवास
यामध्ये प्रवाशांना मोबाईलवरच रेल्वे ज्या मार्गावरून जाणार आहे त्या मार्गावरच्या शहराची माहिती, तेथील प्रसिद्ध स्थळे, मंदिरांची माहिती असणार आहे. शिवाय रेल्वे प्रवासात आपत्कालीन परिस्थिती निर्माण झाली तर कुठे मदत मागायची या बाबतची माहिती असेल. तसेच मुलांना कंटाळा आला तर विविध गेमदेखील आहेत.

या आहेत १० रेल्वे
मुंबई-भुवनेश्वर कोणार्क एक्स्प्रेस, मुंबई-वाराणसी महानगरी एक्स्प्रेस, मुंबई-पुणे इंद्रायणी एक्स्प्रेस, मुंबई-पुणे डेक्कन क्वीन एक्स्प्रेस, कुर्ला-वाराणसी कामायनी एक्स्प्रेस, कुर्ला-लखनऊ एक्स्प्रेस, कुर्ला-गोरखपूर एक्स्प्रेस व्हाया वाराणसी, कुर्ला-गोरखपूर सुपरफास्ट एक्स्प्रेस व्हाया कानपूर, कुर्ला-शालिमार ज्ञानेश्वरी एक्स्प्रेस, कुर्ला-गोरखपूर एक्स्प्रेस

प्रायोगिक तत्त्वावर १० रेल्वेत ही सुविधा दिली आहे. याला मिळणारा प्रतिसाद लक्षात घेऊन अन्य रेल्वेतदेखील ही सुविधा सुरू केली जाईल.
- शिवाजी सुतार, मुख्य जनसंपर्क अधिकारी, मध्य रेल्वे, मुंबई

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top